Ar Prezeger 9:9 - Bibl Koad 21: Ar Bibl e Brezhoneg evit ar Vretoned

⁹ Bez laouen gant ar wreg a garez e-pad holl zeizioù da vuhez a avel a zo roet dit dindan an heol, e-pad hol zeizioù da avel, rak hennezh eo da hêrezh ez puhez, e-kreiz da labour a rez dindan an heol.

Ar Prezeger 9:9 Referencias Cruzadas

Geneliezh 26:8

C'hoarvezout a reas p'en doe tremenet un amzer pell a-walc'h eno, ma sellas Abimelek roue ar Filistined dre ar prenestr, hag e welas Izaak o c'hoari gant Rebeka e wreg.

Salmoù 144:4

An den a zo heñvel ouzh ur c'hwezhadenn, e zeizioù a zo evel ur skeudenn a dremen.

Salmoù 39:5

AOTROU, ro din da anavezout va diwezh, ha pe muzul o deus va deizioù, ma ouezin pegen berr eo va buhez.

Krennlavarioù 18:22

An hini en deus kavet ur wreg en deus kavet an eurvad, ur grad-vat eo digant an AOTROU.

Krennlavarioù 19:14

Un ti ha pinvidigezhioù a zo un hêrezh a-berzh an tadoù, hag ur wreg poellek a zo un hêrezh a-berzh an AOTROU.

Ar Prezeger 2:10

Da ziwezhañ, eus kement o deus c'hoantaet va daoulagad ne'm eus nac'het netra; ne'm eus dalc'het levenez ebet ouzh va c'halon, rak va c'halon a zo bet laouen gant va holl labour, ar pezh a zo bet va lodenn eus va holl labour.

Ar Prezeger 2:24

Ha ne vije netra gwelloc'h evit un den eget debriñ hag evañ, ha lakaat e ene da vezañ laouen e-kreiz e labour? Gwelet em eus ivez e teue kement-se eus dorn Doue.

Ar Prezeger 3:13

Ha ra zebro hag evo pep hini, ha ra vo laouen e-kreiz e holl labour, un donezon digant Doue eo.

Ar Prezeger 3:22

Gwelet em eus n'eus netra gwelloc'h evit un den eget bezañ laouen gant e oberoù, ar pezh a zo e lodenn. Rak piv en kaso en-dro evit gwelout ar pezh a vo en e c'houde?

Ar Prezeger 5:18

Setu ar pezh am eus gwelet: un dra vat ha dudius eo evit an den debriñ, evañ ha bezañ laouen, e-kreiz e holl labour en deus graet dindan an heol, e-pad deizioù e vuhez a ro Doue dezhañ, ar pezh a zo e lodenn.

Ar Prezeger 6:12

Rak piv a oar ar pezh a zo mat evit an den en e vuhez, e-pad deizioù e vuhez a avel emañ o tremen evel ur skeud? Ha piv a c'hell lavarout d'un den ar pezh a vo war e lerc'h dindan an heol?

Ar Prezeger 7:15

Gwelet em eus kement-mañ holl e-pad deizioù va avel: bez' ez eus un den reizh o vervel en e reizhder, hag un den fall o hiraat e zeizioù en e fallentez.

Malaki 2:15

Den n'en deus graet kement-se, o kaout un nemorant a spered! Ha perak an hini unan-se en deus henn graet? Klask a rae ul lignez a-berzh Doue. Taolit evezh eta ouzh ho spered, ha na vezit ket disleal e-keñver gwreg ho yaouankiz.