Ar Prezeger 2:23 - Bibl Koad 21: Ar Bibl e Brezhoneg evit ar Vretoned

²³ Rak e holl zeizioù n'int nemet glac'har, hag e labour nemet enkrez, en noz zoken ne ziskuizh ket e galon. Kement-se ivez a zo avel.

Ar Prezeger 2:23 Referencias Cruzadas

Geneliezh 3:17

Lavarout a reas da Adam: Pa ec'h eus sentet ouzh mouezh da wreg ha pa ec'h eus debret eus ar wezenn em boa roet dit an urzh-mañ diwar he fenn: Ne zebri ket diouti! e vo an douar milliget abalamour dit. Debriñ a ri e frouezh gant poan e-pad holl zeizioù da vuhez,

Geneliezh 47:9

Jakob a respontas da Faraon: Deizioù bloavezhioù va firc'hirinadenn a zo kant ha tregont vloaz. Deizioù bloavezhioù va buhez a zo bet berr ha fall, n'o deus ket tizhet deizioù bloavezhioù buhez va zadoù en amzer o firc'hirinadennoù.

Ester 6:1

En noz-se ar roue ne c'hellas ket kousket, hag e c'hourc'hemennas degas levr an eñvorioù: an Danevelloù. Hag e voent lennet dirak ar roue.

Levr Job 14:1

An den, ganet gant ar vaouez, a vev nebeud a amzer, hag en deus trubuilhoù e-leizh.

Levr Job 5:7

met an den a zo ganet evit ar boan, evel ar fulennoù evit nijal d'an nec'h.

Salmoù 127:2

En aner e savit da vintin, en aner e kouskit diwezhat, hag e tebrit ar bara a c'hlac'har. Reiñ a ra kement d'e garet-mat e-pad e gousk.

Salmoù 32:4

rak deiz ha noz e poueze da zorn warnon. Va nerzh a zeue da vezañ sec'hded an hañv.  Ehan

Salmoù 90:15

Laouena ac'hanomp evit an deizioù ma ec'h eus hor glac'haret, hag ar bloavezhioù ma hon eus bet poanioù.

Ar Prezeger 1:13

ha lakaet em eus va c'halon da glask ha da furchal gant furnez kement a vez graet dindan an neñvoù. Hennezh a zo un dra boanius roet digant Doue da vibien an dud, evit bezañ pledet ganti.

Ar Prezeger 1:18

Rak gant kalz a furnez ez eus kalz a c'hlac'har, hag an hini a gresk en anaoudegezh a gresk e boan.

Ar Prezeger 2:11

Ha prederiet em eus war an holl oberennoù o deus graet va daouarn, hag al labour e oan en em roet dezhañ evit o c'has da benn; ha setu pep tra a zo avel ha poan spered, ha n'eus gounid ebet dindan an heol.

Ar Prezeger 5:12

Kousk al labourer a zo dous, pe e tebr nebeut pe e tebr kalz; met gwalc'hadur ar pinvidig ne lez ket anezhañ da gousket.

Ar Prezeger 5:17

Debriñ a ra e-pad holl zeizioù e vuhez en deñvalijenn, gant kalz a c'hlac'har, a boan hag a hegas.

Ar Prezeger 8:16

Pa em eus lakaet va c'halon da anavezout ar furnez ha da deurel evezh ouzh an traoù a vez graet war an douar, rak an den ne ro diskuizh d'e zaoulagad na deiz na noz,

Daniel 6:18

Ar roue a yeas d'e balez, hag e tremenas an noz o yunañ. Ne voe abeg a joausted ebet en e gichen, ha ne c'hellas ket kousket.

Actou an Ebestel 14:22

o kreñvaat eneoù an diskibien, oc’h aliañ anezho da genderc’hel er feiz hag o reiñ da anavezout dezho ez eo dre galz a boanioù eo ret deomp mont e rouantelezh Doue.