Amoz 5:25 - Bibl Koad 21: Ar Bibl e Brezhoneg evit ar Vretoned

²⁵ Hag hoc'h eus kinniget din aberzhoù ha donezonoù er gouelec'h e-pad daou-ugent vloaz, ti Israel?

Amoz 5:25 Referencias Cruzadas

Nehemia 9:18

Zoken pa rejont ul leue teuzet ha pa lavarjont: Setu da zoue en deus da lakaet da bignat eus an Ejipt, pa rejont dismegañsoù bras dit,

Nehemia 9:21

E-pad daou-ugent vloaz ec'h eus pourvezet d'o ezhommoù er gouelec'h, hep ma vankfe netra dezho, o dilhadoù n'ejont ket da fall, o zreid ne goeñvjont ket.

Ezekiel 20:16

peogwir o doa taolet kuit va barnedigezhioù, n'o doa ket kerzhet hervez va reolennoù, disakret o doa va deizioù sabad, rak o c'halon a yae war-lerc'h o idoloù.

Ezekiel 20:24

dre ma n'o doa ket graet diouzh va barnedigezhioù, dre m'o doa taolet kuit va reolennoù, dre m'o doa disakret va deizioù sabad, ha dre ma oa aet o daoulagad war-lerc'h idoloù o zadoù.

Ezekiel 20:8

Met en em savjont a-enep din ha ne fellas ket dezho va selaou. Hini anezho ne daolas kuit an traoù euzhus a oa dirak e zaoulagad ha ne zilezas idoloù an Ejipt. Neuze em eus soñjet skuilhañ va fulor warno ha seveniñ va c'hounnar a-enep dezho e-kreiz bro Ejipt.

Leviegezh 17:7

Ne ginnigint ken o aberzhoù d’an diaouled, emaint o vont da c’hast ganto. Ur reolenn beurbadus e vo evidoc’h a rummadoù da rummadoù.

Zakaria 7:5

Komz ouzh holl bobl ar vro hag ouzh an aberzhourien, ha lavar: Pa hoc'h eus yunet ha gouelet d'ar pempvet ha d'ar seizhvet miz, kement-se abaoe dek vloaz ha tri-ugent, hag-eñ eo evidon hoc'h eus yunet?

Jozue 24:14

Bremañ eta, doujit an AOTROU , servijit anezhañ gant eeunder ha fealded, pellait an doueoù o deus servijet ho tadoù en tu all d'ar stêr hag en Ejipt, ha servijit an AOTROU .