Agge 1:2 - Bibl Koad 21: Ar Bibl e Brezhoneg evit ar Vretoned

² Evel-henn e komz AOTROU an armeoù o lavarout: Ar bobl-mañ a lavar: N'eo ket deuet an amzer, an amzer da adsevel ti an AOTROU.

Agge 1:2 Referencias Cruzadas

2 Rouned 12:7

Neuze ar roue Joaz a c'halvas an aberzhour Jehojada hag an aberzhourien all, hag a lavaras dezho: Perak n'hoc'h eus ket dreset toulloù-freuz an ti? Bremañ eta ne gemerot ken arc'hant digant ar re a anavezit, met e roiot anezhañ evit toulloù-freuz an ti.

Ezdra 4:23

Adalek ma voe lennet eilskrid lizher Artakserksez dirak Rehum, Shimshai ar sekretour, hag o c'henseurted, ez ejont gant hast da Jeruzalem da gavout ar Yuzevien, hag e rejont dezho paouez dre heg ha dre nerzh.

Nehemia 4:10

Ha Juda a lavaras: Nerzh al labourerien a wana, kalz a atredoù ez eus, ne c'hellomp ket sevel ar voger.

Krennlavarioù 22:13

An didalvez a lavar: Al leon a zo aze er-maez, lazhet e vin er straedoù.

Krennlavarioù 29:25

Doujañs an den a zo ur stign, met an hini a laka e fiziañs en AOTROU a vo e surentez.

Ar Prezeger 11:4

An hini a sell ouzh an avel ne hado ket, hag an hini a sell ouzh ar c'houmoul ne vedo ket.

Ar Prezeger 3:3

ur mare evit lazhañ hag ur mare evit yac'haat, ur mare evit diskar hag ur mare evit sevel,

Ar Prezeger 9:10

Kement a gav da zorn d'ober, gra-eñ hervez da c'halloud, rak n'eus na labour, na soñj, na anaoudegezh, na furnez e lec'h ar marv m'emaout o vont.

Agge 1:1

D'an eilvet bloaz eus ar roue Dariuz, d'ar c'hwec'hvet miz, d'an deiz kentañ eus ar miz, komz an AOTROU a voe disklêriet dre Agge ar profed da Zorobabel mab Salatiel, gouarnour Juda, ha da Jozue mab Jozadak, an aberzhour-meur, o lavarout:

Agge 1:3

Setu perak e voe disklêriet komz an AOTROU dre Agge ar profed, o lavarout:

Niveroù 13:31

Met an dud a oa pignet gantañ a lavaras: Ne c'hellimp ket pignat a-enep ar bobl-se rak kreñvoc'h eo egedon.