Adlezenn 1:8 - Bibl Koad 21: Ar Bibl e Brezhoneg evit ar Vretoned

⁸ Setu, lakaet em eus ar vro dirazoc'h, kit ha dalc'hit ar vro en doa touet an AOTROU reiñ d'ho tadoù, da Abraham, da Izaak, da Jakob ha d'o lignez war o lerc'h.

Adlezenn 1:8 Referencias Cruzadas

Geneliezh 12:7

An AOTROU en em ziskouezas da Abram hag a lavaras: Me a roio ar vro-mañ da'z lignez! Hag e savas eno un aoter d'an AOTROU a oa en em ziskouezet dezhañ.

Geneliezh 15:16

D'ar bedervet lignez, e tistroint amañ, rak direizhder an Amoreaned n'eo ket c'hoazh leuniet.

Geneliezh 15:18

En deiz-se, an AOTROU a reas un emglev gant Abram, o lavarout: Me a ro ar vro-mañ da'z lignez, adalek stêr an Ejipt betek ar stêr vras, ar stêr Eufratez,

Nehemia 9:15

Roet ec'h deus dezho bara eus an neñvoù evit o naon, graet ec'h eus dont er-maez eus ar roc'h dour evit o sec'hed, ha lavaret ec'h eus dezho mont da berc'hennañ ar vro az poa savet da zorn reiñ dezho.

Ermaeziadeg 23:31

Hag e lakain da harzoù adalek ar Mor Ruz betek Mor ar Filistined, hag adalek ar gouelec'h betek ar stêr, rak lakaat a rin etre ho taouarn tud ar vro hag o c'hasin kuit dirazout.

Ermaeziadeg 33:1

An AOTROU a lavaras da Voizez: Kae kuit, pign ac'halen te hag ar bobl ac'h eus lakaet da bignat eus bro Ejipt, kae etrezek ar vro am eus touet reiñ da Abraham, da Izaak ha da Jakob, o lavarout: He reiñ a rin da'z lignez.

Jeremiaz 32:22

Roet ec'h eus dezho ar vro-mañ, ac'h eus touet reiñ d'o zadoù, ur vro a zever gant laezh ha mel.

Ezekiel 47:14

Hoc'h hêrezh a vo deoc'h, d'an eil ha da egile, savet em eus va dorn he reiñ d'ho tadoù, hag e kouezho ar vro-se en hêrezh deoc'h.

Niveroù 14:23

ne welint ket ar vro am eus touet reiñ d'o zadoù; an holl re o deus disprizet ac'hanon ne welint ket anezhi.

Niveroù 32:11

An dud a zo pignet eus an Ejipt, adalek an oad a ugent vloaz hag ouzhpenn, ne welint ket ar vro am boa touet reiñ da Abraham, da Izaak ha da Jakob, rak n'o deus ket kerzhet gant leunder war va lerc'h,

Adlezenn 1:11

Ra gresko ac'hanoc'h c'hoazh an AOTROU, Doue ho tadoù, mil gwech kement all, ha ra vennigo ac'hanoc'h evel m'en deus lavaret deoc'h!

Adlezenn 1:35

Hini ebet eus tud ar rummad fall-se ne welo ar vro vat am eus touet reiñ d'ho tadoù,

Adlezenn 10:11

An AOTROU a lavaras din: Sav! Kae evit kerzhout dirak ar bobl, hag ez aint da berc'hennañ ar vro am eus touet reiñ d'ho tadoù.

Adlezenn 11:24

Pep lec'h ma vac'ho sol ho treid warnañ a vo deoc'h, ho harzoù a vo adalek ar gouelec'h hag al Liban, adalek ar stêr, ar stêr Eufratez, betek mor ar c'huzh-heol.

Adlezenn 11:9

hag evit ma vo hiraet ho teizioù war an douar en doa touet an AOTROU reiñ d'ho tadoù, dezho ha d'o lignez, ur vro a zever gant laezh ha mel.

Adlezenn 2:29

Evel-se o deus graet din mibien Ezaü a zo o chom e Seir hag ar Voabiz a zo o chom en Ar, ken na'm bo tremenet ar Jordan evit mont er vro en deus roet an AOTROU deomp.

Adlezenn 26:15

Sell eus da chomlec'h santel, eus an neñvoù, bennig da bobl Israel hag ar vro ac'h eus roet deomp, evel ma'z poa touet d'hon tadoù, ur vro a zever gant laezh ha mel.

Adlezenn 26:3

hag, o vezañ aet etrezek an aberzhour a vo en deizioù-se, e lavari: Disklêriañ a ran hiziv dirak an AOTROU hon Doue ez on deuet er vro en doa touet an AOTROU d'hon tadoù reiñ deomp.

Adlezenn 28:11

An AOTROU a raio dit kreskiñ e madoù, e frouezh da gof, e frouezh da loened, e frouezh da zouar, er vro en deus touet an AOTROU da'z tadoù reiñ dit.

Adlezenn 29:12

evit mont e-barzh emglev an AOTROU da Zoue, a ra gant le an AOTROU da Zoue ganit hiziv,

Adlezenn 30:20

evit karout an AOTROU da Zoue, evit sentiñ ouzh e vouezh, evit en em stagañ outañ, rak eñ eo da vuhez, hag eñ a hiraio da zeizioù hag e c'helli chom er vro en deus touet an AOTROU reiñ d'ho tadoù, da Abraham, da Izaak ha da Jakob.

Adlezenn 31:7

Moizez a c'halvas Jozue hag a lavaras dezhañ dirak holl Israel: En em galoneka ha bez kreñv! Rak te a yelo gant ar bobl-mañ er vro en deus touet an AOTROU reiñ d'ho tadoù, te a lakaio anezho da berc'hennañ o hêrezh.

Adlezenn 34:4

An AOTROU a lavaras: Setu ar vro am eus touet reiñ da Abraham, da Izaak, da Jakob, o lavarout: He reiñ a rin da'z lignez. Diskouezet em eus anezhi da'z taoulagad, met ned i ket enni.

Adlezenn 4:1

Bremañ Israel, selaou ar reolennoù hag ar barnedigezhioù a gelennan deoc'h evit ober diouto, evit ma vevot ha ma'z eot da berc'hennañ ar vro a ro deoc'h an AOTROU, Doue ho tadoù.

Adlezenn 6:10

P'en devo da lakaet an AOTROU da Zoue da vont er vro en deus touet da'z tadoù, da Abraham, da Izaak, da Jakob reiñ dit, gant kêrioù bras ha mat na'c'h eus ket savet,

Adlezenn 7:12

Mar selaouit ar barnedigezhioù-se, ma virit anezho ha ma grit diouto, an AOTROU da Zoue a viro dit an emglev hag an drugarez en deus touet da'z tadoù.

Adlezenn 7:13

Da garout a raio, da vennigañ ha da greskiñ, bennigañ a raio frouezh da gof ha frouezh da zouar, da winizh, da win ha da eoul, klodadoù da saout ha da zeñved, war an douar en deus touet da'z tadoù reiñ dit.

Adlezenn 7:8

Met dre ma kar an AOTROU ac'hanoc'h ha dre ma vir al le en deus graet d'ho tadoù, en deus tennet an AOTROU ac'hanoc'h gant un dorn kreñv hag en deus dasprenet ac'hanoc'h eus an ti sklavelezh, eus dorn Faraon roue an Ejipt.

Adlezenn 8:1

Mirout a reot an holl c'hourc'hemennoù a gemennan dit hiziv hag e reot diouto, evit ma vevot ha ma kreskot, ha ma'z eot da berc'hennañ ar vro en doa touet an AOTROU d'ho tadoù.

Adlezenn 9:5

N'eo ket en abeg da'z reizhder ha da eeunder da galon emaout o vont da berc'hennañ ar vro, met en abeg da zrougiezh ar pobloù-se eo e kas anezho kuit an AOTROU dirazout, hag evit kadarnaat ar gomz en deus touet an AOTROU da'z tadoù, da Abraham, da Izaak ha da Jakob.

Hebreed 6:13

Pa reas Doue ar bromesa da Abraham, evel na c’helle ket touiñ dre unan brasoc’h, e touas drezañ e-unan

Hebreed 6:14

hag e lavaras: Me a vennigo ac’hanout a-dra-sur, hag e kreskin ac’hanout a-dra-sur.

Jozue 1:6

En em galoneka ha bez kreñv! Rak te eo a lakaio ar bobl-mañ da berc'hennañ ar vro am eus touet d'o zadoù reiñ dezho.

Ar Varnerien 2:1

Ael an AOTROU a bignas eus Gilgal da Vokim hag a lavaras: Ho lakaet em eus da bignat er-maez eus an Ejipt, ho tegaset em eus d'ar vro em boa touet d'ho tadoù reiñ deoc'h, hag em eus lavaret: Biken ne dorrin an emglev am eus graet ganeoc'h,