Adlezenn 1:7 - Bibl Koad 21: Ar Bibl e Brezhoneg evit ar Vretoned

⁷ Distroit hag it kuit, deuit war-zu menez an Amoreaned hag el lec'hioù tro-dro, d'ar blaenenn, d'ar menez, d'an draonienn, d'ar c'hreisteiz, da aod ar mor, da vro ar Gananeiz, d'al Liban betek ar stêr vras, ar stêr Efratez.

Adlezenn 1:7 Referencias Cruzadas

Geneliezh 12:9

Abram a yeas war-zu ar c'hreisteiz o kerzhout a lec'h da lec'h.

2 Samuel 8:3

David a drec'has ivez Hadadezer mab Reob, roue Zoba, pa'z eas da adlakaat e harzoù etrezek ar stêr Eufratez.

1 Danevelloù 18:3

David a drec'has Hadarezer roue Zoba war-zu Hamad, pa'z eas da astenn e harzoù etrezek ar stêr Eufratez.

1 Danevelloù 27:29

Shitrai eus Saron war ar saout o peuriñ e Saron; Shafad mab Adlai war ar saout o peuriñ en traoniennoù;

1 Danevelloù 5:9

hag e oa o chom etrezek ar sav-heol e digor ar gouelec'h, adalek stêr an Eufratez, rak o zropelloù o doa liesaet e bro C'halaad.

Ermaeziadeg 23:31

Hag e lakain da harzoù adalek ar Mor Ruz betek Mor ar Filistined, hag adalek ar gouelec'h betek ar stêr, rak lakaat a rin etre ho taouarn tud ar vro hag o c'hasin kuit dirazout.

Amoz 2:9

Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Niveroù 10:12

Mibien Israel a yeas kuit eus gouelec'h Sinai evit o c'herzhadeg. Ar c'hoabrenn a chomas a-sav e gouelec'h Paran.

Adlezenn 1:19

Aet omp kuit eus Horeb ha kerzhet hon eus dre holl er gouelec'h bras hag euzhus-se, war-zu menez an Amoreaned, evel m'en doa gourc'hemennet an AOTROU hon Doue deomp, ha deuet omp betek Kadesh-Barnea.

Adlezenn 11:11

Ar vro ma'z it da dremen e-barzh d'he ferc'hennañ a zo ur vro a venezioù hag a draoniennoù, a ev dour glav an neñv,

Adlezenn 11:24

Pep lec'h ma vac'ho sol ho treid warnañ a vo deoc'h, ho harzoù a vo adalek ar gouelec'h hag al Liban, adalek ar stêr, ar stêr Eufratez, betek mor ar c'huzh-heol.

Jozue 1:4

Ho harzoù a vo adalek ar gouelec'h hag al Liban-mañ, adalek ar stêr, ar stêr Eufratez, holl vro an Hitited, betek ar Mor Bras er c'huzh-heol.

Jozue 10:40

Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 24:15

Ma ne blij ket deoc'h servijañ an AOTROU , dibabit hiziv piv a fell deoc'h servijañ, pe an doueoù o deus servijet ho tadoù en tu all d'ar stêr, pe doueoù an Amoreaned, emaoc'h o chom en o bro. Me ha va ziegezh a servijo an AOTROU .

Jozue 9:1

Pa glevas an traoù-se an holl rouaned a oa en tu-mañ d'ar Jordan, er menez, er blaenenn ha war holl aodoù ar Mor Bras dirak al Liban, an Hitited, an Amoreaned, ar Gananeiz, ar Ferezianed, an Hevianed, ar Jebuziz,

Apocalyps 9:14

o lavarout d’ar c’hwec’hvet ael en doa an drompilh: Diere ar pevar ael a zo ereet war ar stêr vras Eufratez.