Adlezenn 1:33 - Bibl Koad 21: Ar Bibl e Brezhoneg evit ar Vretoned

³³ a yae en ho raok war an hent evit klask ul lec'h da sevel ho teltennoù, en tan e-pad an noz evit diskouez deoc'h an hent a gerzhec'h warnañ, hag er goabrenn e-pad an deiz.

Adlezenn 1:33 Referencias Cruzadas

Nehemia 9:12

O renet ec'h eus war an deiz dre ur golonenn a goabrenn, hag en noz dre ur ar golonenn a dan, evit sklêrijennañ an hent a dleent kerzhout warnañ.

Salmoù 105:39

Astenn a reas ar goabrenn d'o goleiñ, hag an tan d'o sklêrijennañ en noz.

Salmoù 77:20

Graet ec'h eus da hent er mor, da wenodennoù en doureier bras, ha da roudoù n'int ket bet anavezet.

Salmoù 78:14

Ren a reas anezho e-pad an deiz dre ar goabrenn, hag e-pad an noz dre sklêrijenn an tan.

Ermaeziadeg 14:24

Met c'hoarvezout a reas, da veilhadenn ar mintin, penaos an AOTROU er golonenn a dan hag a goabrenn a sellas ouzh kamp an Ejipsianed hag a lakaas an dizurzh.

Jeremiaz 31:2

Evel-henn e komz an AOTROU: Kavet he deus gras er gouelec'h, ar bobl deuet salv eus ar c'hleze. Hag Israel a gerzh d'an diskuizh.

Ezekiel 20:6

en deiz-se em eus savet va dorn dirazo, evit tennañ anezho eus bro Ejipt etrezek ur vro am boa klasket evito, ur vro a zever gant laezh ha mel, ar gaerañ eus an holl vroioù,

Zakaria 2:5

Ha me a vo eviti, eme an AOTROU, ur voger-tan a-dro-war-dro dezhi, ha me a vo ar c'hloar en he c'hreiz.

Niveroù 10:33

Mont a rejont kuit eus menez an AOTROU evit un hent a dri devezh; arc'h emglev an AOTROU a yae a-raok dezho, oc'h ober an hent a dri devezh evit kavout ul lec'h diskuizh.

Niveroù 14:14

hag e lavarint-se da annezidi ar vro-mañ. Klevet o deus lavarout penaos out, o AOTROU, e-kreiz ar bobl-mañ, penaos en em ziskouezez lagad ouzh lagad, o AOTROU, penaos da goabrenn en em zalc'h a-us dezho, penaos e kerzhez a-raok dezho en ur golonenn a goabrenn e-pad an deiz hag en ur golonenn a dan e-pad an noz.