Adlezenn 1:1 - Bibl Koad 21: Ar Bibl e Brezhoneg evit ar Vretoned

¹ Setu ar c'homzoù a lavaras Moizez da Israel a-bezh, en tu-mañ d'ar Jordan, er gouelec'h, er blaenenn a-dal da Suf, etre Paran, Tofel, Laban, Hazerod ha Di-Zahab.

Adlezenn 1:1 Referencias Cruzadas

Geneliezh 21:21

Chom a reas e gouelec'h Paran hag e vamm a gemeras dezhañ ur wreg eus bro Ejipt.

1 Rouaned 11:18

Pa voent aet eus Madian, e teujont da Baran, hag e kemerjont ganto tud Paran, hag en em dennjont d'an Ejipt, da gavout Faraon roue an Ejipt, a roas dezhañ un ti, a verkas dezhañ peadra de vevañ, hag a roas dezhañ ivez un douar.

Habakuk 3:3

Dont a ra Doue eus Teman, dont a ra ar Sant eus Menez Paran.  Ehan  E Veurded a c'holo an neñvoù, hag e veuleudi a leugn an douar.

Niveroù 10:12

Mibien Israel a yeas kuit eus gouelec'h Sinai evit o c'herzhadeg. Ar c'hoabrenn a chomas a-sav e gouelec'h Paran.

Niveroù 11:35

Mont a reas kuit ar bobl eus Kibrod-Hataava da Hazerod, hag e chomas en Hazerod.

Niveroù 12:16

Ha goude-se ar bobl a yeas kuit eus Hazerod, hag e kampjont e gouelec'h Paran.

Niveroù 13:26

O vezañ erruet e teujont da gavout Moizez, Aaron hag holl vodadenn mibien Israel e gouelec'h Paran, e Kadesh, da rentañ kont dezho kenkoulz ha d'an holl vodadenn, o tiskouez dezho frouezh ar vro.

Niveroù 13:3

Moizez o c'hasas eus gouelec'h Paran, hervez gourc'hemenn an AOTROU; an holl dud-se a oa pennoù mibien Israel.

Niveroù 32:19

ha n'hon bo netra ganto en tu all d'ar Jordan na pelloc'h, peogwir e vo degouezhet deomp hon hêrezh-ni en tu-mañ d'ar Jordan, er sav-heol.

Niveroù 32:32

Ni a dremeno harnezet dirak an AOTROU da vro Ganaan, ha ra vo deomp hon hêrezh en tu-mañ d'ar Jordan.

Niveroù 32:5

Hag e lavarjont: Mar hon eus kavet trugarez dirak da zaoulagad, ra vo ar vro-mañ roet en dalc'h da'z servijerien, na zegas ket ac'hanomp en tu all d'ar Jordan.

Niveroù 33:20

Mont a rejont kuit eus Rimmon-Perez hag e kampjont e Libna.

Niveroù 33:21

Mont a rejont kuit eus Libna hag e kampjont e Risa.

Niveroù 34:15

An daou veuriad hag an hanter-veuriad-se o deus bet o hêrezh en tu-mañ d'ar Jordan, e kostezioù Jeriko, ouzh ar reter, war-zu ar sav-heol.

Niveroù 35:14

teir c'hêr a roiot en tu-mañ d'ar Jordan, ha teir c'hêr a roiot e bro-Ganaan; kêr-repuiñ e vint.

Adlezenn 2:8

Tremenet omp e-kichen hor breudeur, mibien Ezaü a zo o chom e Seir, hebiou da hent ar blaenenn, hebiou da Elad ha da Ezion-Geber, ha troet hon eus da dremen dre hent gouelec'h Moab.

Adlezenn 27:1

Moizez hag henaourien Israel a roas urzhioù d'ar bobl o lavarout: Mirit an holl c'hourc'hemennoù a roan deoc'h hiziv.

Adlezenn 29:1

Setu komzoù an emglev en deus gourc'hemennet an AOTROU da Voizez ober gant mibien Israel e bro Voab, en tu-hont d'an emglev en doa graet ganto en Horeb.

Adlezenn 31:1

Moizez a yeas hag a lavaras ar c'homzoù-mañ da holl Israel:

Adlezenn 33:2

Lavarout a reas: An AOTROU a zo deuet eus ar Sinai, hag a zo savet a-us dezho e Seir. Lugernet en deus eus menez Paran, deuet eo gant dekviliadoù santel, eus e zehou e teuas evito ul lezenn entanet.

Adlezenn 4:46

en tu-mañ d'ar Jordan, en draonienn, a-dal da Vet-Peor, e bro Sihon, roue an Amoreaned, a oa o chom en Hesbon hag a voe pilet gant Moizez ha gant mibien Israel goude ma oant aet kuit eus an Ejipt.

Adlezenn 5:1

Moizez a zastumas holl Israel hag a lavaras: Selaou, Israel, ar reolennoù hag ar barnedigezhioù a zisklêrian hiziv d'ho tivskouarn. O deskit, o mirit ha grit diouto.

Jozue 22:4

Bremañ an AOTROU ho Toue en deus roet diskuizh d'ho preudeur, evel m'en doa lavaret. Distroit eta bremañ, kit d'ho teltennoù, d'ar vro a zo deoc'h, an hini en deus roet deoc'h Moizez servijer an AOTROU en tu all d'ar Jordan.

Jozue 22:7

Moizez en doa roet da un hanter eus meuriad Manase ul lodenn e Basan, ha Jozue a roas d'an hanter all ul lodenn gant o breudeur en tu-mañ d'ar Jordan, er c'huzh-heol. Pa gasas Jozue anezho d'o zeltennoù, e vennigas anezho,

Jozue 3:16

an doureier a ziskenne eus krec'h a chomas a-sav, en ur bern, pell bras, tost da gêr Adam a zo eus tu Zartan, hag a re a ziskenne war-zu mor ar blaenenn, Mor an Holen, a voe troc'het holl. Hag ar bobl a dremenas a-dal da Jeriko.

Jozue 9:1

Pa glevas an traoù-se an holl rouaned a oa en tu-mañ d'ar Jordan, er menez, er blaenenn ha war holl aodoù ar Mor Bras dirak al Liban, an Hitited, an Amoreaned, ar Gananeiz, ar Ferezianed, an Hevianed, ar Jebuziz,

Jozue 9:10

ha kement en deus graet da zaou roue an Amoreaned a oa en tu all d'ar Jordan, da Sihon roue Hesbon, ha da Og roue Basan, a oa en Ashtarod.

1 Samuel 25:1

Samuel a varvas, hag holl Israel en em zastumas hag a ouelas dezhañ, hag e voe sebeliet en e di e Rama. Ha David a savas hag a ziskennas betek gouelec'h Paran.