2 Samuel 1:2 - Bibl Koad 21: Ar Bibl e Brezhoneg evit ar Vretoned

² D'an trede deiz, setu un den a zeuas eus kamp Saül, gant e zilhad roget ha douar war e benn. O vezañ deuet da gavout David, e kouezhas d'an douar hag e stouas.

2 Samuel 1:2 Referencias Cruzadas

Geneliezh 22:4

D'an trede devezh, Abraham, o sevel e zaoulagad, a welas al lec'h a-bell.

Geneliezh 37:29

Ruben a zistroas d'ar puñs-glav ha setu, Jozef ne oa ket ennañ. Regiñ a reas e zilhad

Geneliezh 37:34

Regiñ a reas e zilhad hag e lakaas ur sac'h war e zivgroazell. E-pad pell e tougas kañv d'e vab.

Geneliezh 43:28

Lavarout a rejont: Da servijer, hon tad, a zo yac'h, bev eo c'hoazh. Hag e plegjont hag e stoujont.

2 Samuel 1:3

David a lavaras dezhañ: A-belec'h e teuez? Hag e respontas dezhañ: Tec'het on diouzh kamp Israel.

2 Samuel 13:19

Neuze Tamar a gemeras ludu war he fenn, hag a rogas he sae lieslivek a oa warni; lakaat a reas he dorn war he fenn, hag ez eas kuit en ur c'harmiñ.

2 Samuel 14:4

Maouez Tekoa a gomzas eta ouzh ar roue, hag a gouezhas, he dremm d'an douar, a stouas, hag a lavaras: O roue, ro din sikour!

2 Samuel 15:32

Pa voe erruet David war al lein, el lec'h ma stouas dirak Doue, setu e teuas d'e gavout Hushai an Arkiad, roget e doneg ha douar war e benn.

2 Samuel 24:20

Arauna a sellas hag a welas ar roue hag e servijerien o tont d'e gavout. Arauna a yeas er-maez hag a stouas dirak David, e zremm d'an douar.

2 Samuel 4:10

An hini a oa deuet da zisklêriañ din ha da lavarout: Setu, marvet eo Saül, soñjal a rae reiñ din ur c'heloù mat, me a grogas ennañ hag en lazhas e Ziklag, evit priz e geloù mat.

Ester 4:16

Kae, dastum an holl Yuzevien a zo e Suza, yunit evidon, na zebrit ha na evit netra e-pad tri deiz, ken en noz evel en deiz, me ha va mitizhien a yuno ivez, ha goude ez in da gavout ar roue evel-se, petra bennak ma'z eo enep al lezenn, ha ma c'hoarvez e varvin, me a varvo!

Ester 5:1

D'an trede deiz Ester a wiskas he dilhad rouanez hag en em zalc'has e leurenn an diabarzh eus ti ar roue, a oa dirak ti ar roue. Ar roue a oa azezet war dron e rouantelezh, en ti roueel, e-tal dor an ti.

Salmoù 66:3

Lavarit da Zoue: Pegen burzhudus eo da oberennoù! En abeg da vraster da nerzh, da enebourien a zeuio da blegañ dirazout.

Ezekiel 27:30

hag e lakaint o mouezh da vezañ klevet warnout, hag e c'harmint c'hwerv, hag e taolint poultr war o fenn, hag en em ruilhint el ludu,

Ozea 6:2

Goude daou zevezh hol lakaio da advevañ, ha d'an trede devezh hon adsavo, hag e vevimp dirazañ.

Joel 2:13

Rogit ho kalonoù ha nann ho tilhad, distroit d'an AOTROU ho Toue, rak trugarezus ha truezus eo, gorrek da gounnariñ ha pinvidik e madelezh, ha keuz en deus da vezañ kaset glac'har.

Mazhev 12:40

Rak evel ma voe Jona tri devezh ha teir nozvezh e kof ur pesk bras, evel-se e vo Mab an den tri devezh ha teir nozvezh e kalon an douar.

Mazhev 16:21

Adalek neuze, Jezuz en em lakaas da zisklêriañ d’e ziskibien e oa ret dezhañ mont da Jeruzalem, gouzañv kalz a draoù a-berzh an henaourien, ar veleien vras hag ar skribed, bezañ lakaet d’ar marv, hag adsevel a varv d’an trede deiz.

Jozue 7:6

Jozue a rogas e zilhad hag a gouezhas war e zremm d'an douar dirak arc'h an AOTROU betek an abardaez, eñ hag henaourien Israel, hag e taoljont poultr war o fenn.

Apocalyps 3:9

Setu, e roin dit reoù eus sinagogenn Satan, en em lavar Yuzevien ha n’int ket met a lavar gevier. Setu, me a lakaio anezho da zont evit ma taoulinint da’z treid ha ma ouezint penaos em eus da garet.

1 Samuel 20:41

Ar paotr a yeas kuit. David a savas ouzh tu ar c'hreisteiz hag en em daolas, e zremm d'an douar, hag e stouas teir gwech. Goude e pokjont an eil d'egile hag e oueljont o-daou, ha zoken David a ouelas gwall galz.

1 Samuel 25:23

Pa welas Abigail eta David, e hastas diskenn diwar hec'h azen d'en em deurel war he dremm dirak David, hag e stouas d'an douar.

1 Samuel 4:12

Un den eus Benjamin a dec'has eus an emgann hag a zeuas da Silo en deiz-se, e zilhad roget ha douar war e benn.

1 Samuel 4:16

An den a lavaras eta da Eli: Dont a ran eus an emgann, hag ez on tec'het eus an emgann hiziv. Eli a lavaras: Petra eo c'hoarvezet, va mab?