2 Samuel 1:10 - Bibl Koad 21: Ar Bibl e Brezhoneg evit ar Vretoned

¹⁰ Tostaet em eus eta outañ, hag e lakaet em eus d'ar marv, peogwir e ouien ne vevje ket goude bezañ kouezhet evel-se. Neuze em eus kemeret ar gurunenn a oa war e benn hag an dro-vrec'h a oa ouzh e vrec'h, hag em eus o degaset amañ da'm aotrou.

2 Samuel 1:10 Referencias Cruzadas

2 Samuel 1:16

David a lavaras dezhañ: Ra vo da wad war da benn, rak da c'henoù en deus testeniet a-enep dit o lavarout: Lakaet em eus d'ar marv olevad an AOTROU.

2 Samuel 1:9

Neuze e lavaras din: Tosta ouzhin, ha va laka d'ar marv, rak en un enkrez bras on, ha va holl vuhez a zo c'hoazh ennon.

2 Samuel 12:30

Kemer a reas kurunenn o roue diwar e benn, hag e poueze un talant aour, hag e oa enni mein prizius. Lakaet e voe war benn David, a gasas gantañ eus kêr un diwisk bras-meurbet.

2 Rouned 11:12

Neuze e lakaas da zont er-maez mab ar roue, hag e lakaas warnañ ar gurunenn hag an Testeni. Ober a rejont anezhañ roue, hag ec'h olevjont anezhañ, hag o stlakañ o daouarn, e lavarjont: Ra vevo ar roue!

Klemmganoù 5:16

Kurunenn hor penn a zo kouezhet. Gwalleur deomp, rak pec'het hon eus.

Mazhev 7:2

Rak diouzh ar varn ma varnit e viot barnet, ha diouzh ar muzul ma vuzuilhit e vo muzuliet deoc’h.

Ar Varnerien 1:7

Adoni-Bezek a lavaras: Dek roue ha tri-ugent, meudoù o daouarn hag o zreid troc'het, a zastume dindan va zaol ar pezh a gouezhe; Doue en deus rentet din ar pezh am eus graet. O vezañ bet degaset da Jeruzalem, e varvas eno.

Ar Varnerien 9:54

Gervel a reas diouzhtu an den yaouank a zouge e armoù, hag e lavaras dezhañ: Tenn da gleze ha va lazh, gant aon na vefe lavaret ac'hanon: Ur vaouez he deus e lazhet. An den yaouank a doullas anezhañ, hag e varvas.

1 Samuel 22:18

Neuze ar roue a lavaras da Zoeg: Distro hag en em daol war an aberzhourien. Ha Doeg an Edomad a zistroas hag en em daolas war an aberzhourien, hag e lazhas en deiz-se pemp den ha pevar-ugent o tougen an efod lin.