2 Rouned 8:6 - Bibl Koad 21: Ar Bibl e Brezhoneg evit ar Vretoned

⁶ Neuze ar roue a reas goulennoù digant ar vaouez, hag hi a zisklêrias an traoù dezhañ. Ar roue a roas ur spazhad dezhi, en ur lavarout: Gra resteurel dezhi kement a zo dezhi, gant holl leveoù he farkeier abaoe an deiz ma he deus kuitaet ar vro betek bremañ.

2 Rouned 8:6 Referencias Cruzadas

Geneliezh 37:36

Ar Vadianiz a werzhas anezhañ en Ejipt da b-Potifar, ofiser Faraon, penn eus e warded.

2 Samuel 9:7

David a lavaras dezhañ: Na'z pez ket aon, rak a-dra-sur e rin vad dit, abalamour da Jonatan da dad, hag e roin dit holl zouaroù Saül da dad, hag e tebri bara da viken ouzh va zaol.

2 Rouned 8:5

Evel ma tisklêrie d'ar roue penaos en doa adroet ar vuhez da unan marv, setu ar vaouez m'en doa adroet ar vuhez d'he mab, a zeuas da bediñ ar roue diwar-benn he zi hag he farkeier. Gehazi a lavaras: O roue va aotrou, setu amañ ar vaouez, ha setu amañ he mab, en doa adroet Elizea e vuhez dezhañ!

2 Rouned 8:7

Elizea a yeas da Zamask. Ben-Hadad roue Siria a oa gwall glañv, hag e voe lavaret dezhañ: Den Doue a zo deuet betek amañ.

2 Rouned 9:32

Hag e savas e zremm etrezek ar prenestr, hag e lavaras: Piv a zo ganin? Piv? Daou pe tri spazhad a sellas outañ.

1 Danevelloù 28:1

David a zastumas e Jeruzalem holl bennoù Israel, pennoù ar meuriadoù, pennoù ar c'hevrennoù a servije ar roue, ar pennoù a vilieroù, ar pennoù a gantoù, ar re a velestre holl vadoù hag holl dropelloù ar roue, e vibien, ar spazhidi, an dud kadarn hag ar vrezelourien galonek.

Krennlavarioù 16:7

Pa blij d'an AOTROU hentoù un den, e sioula en e geñver zoken e enebourien.

Krennlavarioù 21:1

Kalon ar roue a zo e dorn an AOTROU evel un dour-red, he zreiñ a ra da gement a fell dezhañ.

Adlezenn 22:2

Ma n'eo ket da vreur o chom ez kichen ha ma n'anavezez ket anezhañ, e repui al loen e-barzh da di, hag e chomo ganit betek ma teuio da vreur d'e gerc'hat, hag en roi en-dro dezhañ.

Ar Varnerien 11:13

Roue mibien Ammon a lavaras da gannaded Jefte: Rak Israel, pa bigne eus an Ejipt, en deus kemeret va bro adalek an Arnon betek Jabok hag ar Jordan. Ha bremañ ro din an douaroù-se en-dro dre gaer.