2 Rouned 14:9 - Bibl Koad 21: Ar Bibl e Brezhoneg evit ar Vretoned

⁹ Ha Joaz roue Israel a gasas da lavarout da Amazia roue Juda: Spernenn al Liban he deus kaset da lavarout da sedrezenn al Liban: Ro da verc'h da wreg da'm mab. Met tremenet eo al loened gouez a zo el Liban, ha mac'het o deus ar spernenn.

2 Rouned 14:9 Referencias Cruzadas

1 Rouaned 4:33

Komzet en deus diwar-benn ar gwez, adalek ar sedrez a zo el Liban betek ar sikadez a gresk war ar voger. Komzet en deus ivez diwar-benn al loened, al laboused, ar stlejviled hag ar pesked.

2 Danevelloù 25:18

Joaz roue Israel a gasas da lavarout da Amazia roue Juda: Spernenn al Liban en deus kaset da lavarout da sedrezenn al Liban: Ro da verc'h evel gwreg da'm mab. Met ul loen gouez eus al Liban a zo tremenet hag en deus mac'het ar spernenn.

2 Danevelloù 33:11

Neuze an AOTROU a gasas a-enep dezho pennoù arme roue Asiria, a dapas Manase evit e lakaat ouzh an hern, hag e voe ereet gant ur chadenn arem doubl, hag e voe kaset da Vabilon.

Levr Job 31:18

adalek va yaouankiz eo bet savet em c'hichen evel e-kichen un tad, adalek kof va mamm em eus renet an intañvez,

Ermaeziadeg 3:2

Ael an AOTROU en em ziskouezas dezhañ en ur flamm tan, e-kreiz ur vodenn. Sellout a reas ha, setu, edo ar vodenn o teviñ en tan, met ar vodenn ne veze ket kuzumet.

Krennlavarioù 26:9

Evel ur spernenn e dorn ar mezvier, evel-se emañ ur c'hrennlavar e genoù an den diboell.

Kanenn ar C’hanennoù 2:2

Evel al lilienn e-touez ar spern, evel-se eo va c'haredig e-touez ar merc'hed yaouank.

Izaia 34:13

Ar spern a gresko en he falezioù, an drez hag an askol en he c'hreñvlec'hioù. Eno e vo toulloù an aourgon ha tiez ar struskañvaled.

Ozea 9:6

Rak setu ez int aet kuit en abeg d'an distruj. An Ejipt o dastumo, Memfiz o sebelio. Al linad a berc'henno o zraoù prizius en arc'hant, ar spern a gresko en o zeltennoù.

1 Korintiz 12:15

Ma lavarfe an troad: Dre ma n’on ket un dorn n’on ket eus ar c’horf, ha ne vefe ket evit-se eus ar c’horf?

1 Samuel 13:6

Tud Israel a welas e oant en ur blegenn fall, rak ar bobl a oa spouronet. Ar bobl en em guzhas er c'hevioù, er bodennoù, e-touez ar reier, el lec'hioù kreñv hag er puñsoù.