2 Danevelloù 7:8 - Bibl Koad 21: Ar Bibl e Brezhoneg evit ar Vretoned

⁸ Salomon a lidas ar gouel en amzer-se e-pad seizh devezh, hag holl Israel gantañ. Bez' e oa ur vodadenn vras-meurbet, deuet adalek dor Hamad betek froud an Ejipt.

2 Danevelloù 7:8 Referencias Cruzadas

Geneliezh 15:18

En deiz-se, an AOTROU a reas un emglev gant Abram, o lavarout: Me a ro ar vro-mañ da'z lignez, adalek stêr an Ejipt betek ar stêr vras, ar stêr Eufratez,

1 Rouaned 8:2

Holl dud Israel en em zastumas e-kichen ar roue Salomon e miz Etanim, ar seizhvet miz, e-pad ar gouel.

1 Rouaned 8:65

Salomon a lidas ar gouel en amzer-se, hag holl Israel gantañ. Bez' e oa ur vodadenn vras-meurbet, deuet adalek trowardroioù Hamad betek froud an Ejipt, dirak an AOTROU hon Doue, e-pad seizh deiz ha seizh deiz all, da lavarout eo e-pad pevarzek deiz.

2 Danevelloù 30:13

Hag en em zastumas ur bobl niverus e Jeruzalem evit lidañ ar bara hep goell d'an eilvet miz, hag ur vodadeg vras-meurbet e oa.

2 Danevelloù 30:26

Bez' e voe eta ul levenez vras e Jeruzalem, rak abaoe amzer Salomon mab David, roue Israel, ne oa ket c'hoarvezet un dra heñvel e Jeruzalem.

2 Danevelloù 5:3

Holl dud Israel en em zastumas e-kichen ar roue evit gouel ar seizhvet miz.

Ezekiel 45:25

D'ar seizhvet miz, d'ar pemzekvet deiz eus ar miz, d'ar gouel, e kinnigo e-pad seizh deiz an hevelep traoù, diwar-benn an aberzh-dic'haouiñ, diwar-benn al loskaberzh, diwar-benn an donezon, ha diwar-benn an eoul.

Ezekiel 47:20

Ouzh tu ar c'huzh-heol: Ar Mor Bras, adalek harz ar c'hreisteiz betek digor Hamad. Setu kostez ar c'huzh-heol.

Amoz 6:14

Met setu ez an da lakaat da sevel a-enep deoc'h ur vroad, ti Israel, eme an AOTROU, Doue an armeoù, ur vroad ho kwasko, adalek mont tre Hamad betek froud ar gouelec'h.

Sant Ian 7:2

Gouel ar Yuzevien, gouel an Tabernakloù, a dostae.