1 Yann 1:3 - Bibl Koad 21: Ar Bibl e Brezhoneg evit ar Vretoned

³ ar pezh hon eus gwelet ha klevet, a zisklêriomp deoc’h evit ma viot unanet ivez ganeomp. Hor c’henunvaniezh a zo gant an Tad ha gant e Vab Jezuz-Krist.

Testamant Nevez 1897 (Jenkins)

³ ar pez hon euz gwelet ha klevet eo a ziscleriomp deoc’h, evit ma ho pezo‐c’honi communion ganeomp. Hogen, hor c’hommunion a zo gant an Tad ha gant Jesus‐Christ he Vab.

1 Yann 1:3 Referencias Cruzadas

Levr Job 13:1

Setu, va lagad en deus gwelet kement-se holl, va skouarn he deus henn klevet ha komprenet.

Salmoù 2:7

Embann a rin an dekred: An AOTROU en deus lavaret din: Te eo va Mab, hiziv em eus da c'hanet.

Salmoù 22:22

Va savete eus genoù al leon, va zenn eus kerniel ar bualed!

Izaia 66:19

Lakaat a rin ur sin en o zouez, hag e kasin o re a vo en em dennet etrezek ar broadoù, etrezek Tarsiz, Pul, Lud, tennerien wareg, Tubal, Javan, hag etrezek an inizi pell n'o deus biskoazh klevet komz diwar-benn va brud, na gwelet va gloar. Embann a raint va gloar e-touez ar broadoù.

Niveroù 10:32

Mar deuez ganeomp, ar mad a dle an AOTROU ober deomp, a raimp ivez dit.

Sant Ian 17:11

Me n’on ken er bed, met ar re-mañ a zo er bed, hag e teuan etrezek ennout. Tad santel, mir en da anv ar re ac’h eus roet din, evit ma vint unan eveldomp-ni.

Sant Ian 17:21

evit ma vint holl unan, evel ma’z out ennon, Tad, hag evel ma’z on ennout, evit ma vint ivez unan ennomp, evit ma kredo ar bed ec’h eus va c’haset.

Sant Ian 17:25

Tad gwirion, ar bed n’en deus ket da anavezet, met me am eus da anavezet hag ar re-mañ o deus anavezet ec’h eus va c’haset.

Sant Ian 17:3

Hag ar vuhez peurbadus eo ma’c’h anavezint ac’hanout, te ar gwir Doue nemetañ, ha Jezuz-Krist, an hini ac’h eus kaset.

Sant Ian 19:35

An hini en deus gwelet en deus roet testeni a gement-se, hag e desteni a zo gwirion hag e oar e lavar gwir evit ma kredot.

Actou an Ebestel 13:32

Ha ni a ro da anavezout deoc’h an Aviel, ar bromesa a oa bet graet d’hon tadoù.

Actou an Ebestel 13:41

Setu, c’hwi a zispriz ac’hanon, bezit souezhet ha kit diwar wel, rak emaon o vont d’ober un oberenn en ho tevezhioù, un oberenn ha ne gredfec’h ket ma vefe kontet deoc’h.

Actou an Ebestel 2:42

Kenderc’hel a raent e kelennerezh an ebestel, er genunvaniezh, e torradur ar bara hag er pedennoù.

Actou an Ebestel 20:27

rak disklêriet em eus deoc’h holl guzul Doue, hep kuzhat netra.

Actou an Ebestel 4:20

rak ne c’hellomp ket tremen hep komz diwar-benn an traoù hon eus gwelet ha klevet.

Romaned 15:27

Plijet eo bet ganto hag, evit gwir, dleourien e oant ivez dezho, rak mar o deus bet ar baganed lod en o madoù speredel, e tleont ivez reiñ dezho lod eus o madoù douarel.

1 Korintiz 1:30

Ha drezañ eo ez oc’h e Jezuz-Krist, an hini a zo bet graet deomp a-berzh Doue, furnez, reizhder, santeladur ha dasprenadur,

1 Korintiz 1:9

Doue a zo feal, drezañ oc’h bet galvet da genunvaniezh e Vab Jezuz-Krist hon Aotrou.

1 Korintiz 15:1

Reiñ a ran deoc’h da anavezout, breudeur, an Aviel am eus prezeget deoc’h, hoc’h eus resevet, hoc’h eus kendalc’het ennañ,

2 Korintiz 13:14

Gras an Aotrou Jezuz-Krist, karantez Doue ha kenunvaniezh ar Spered-Santel ra vo ganeoc’h holl! Amen.

Efeziz 3:6

da c’houzout eo penaos ar baganed a zo kenheritourien, a reont un hevelep korf hag a gemeront lod en e bromesa e Krist dre an Aviel,

Filipiz 1:7

Reizh eo em befe ar menozioù-se ac’hanoc’h holl, rak me am eus ac’hanoc’h holl em c’halon, c’hwi kenlodeien ganin er c’hras, hag em ereoù hag e difenn an Aviel hag o startaat anezhañ.

Filipiz 2:1

Mar d-eus eta ur frealz bennak e Krist, mar d-eus un dic’hlac’har bennak er garantez, mar d-eus ur genunvaniezh bennak a spered, mar d-eus ur vadelezh hag un drugarez bennak,

Filipiz 3:10

Evel-se ec’h anavezin Krist, ha galloud e adsavidigezh a varv, ha kenlodenn e boanioù, o tont heñvel outañ en e varv,

Koloseiz 1:13

Hon dieubet en deus eus galloud an deñvalijenn hag hol lakaet en deus da dremen e rouantelezh e Vab muiañ-karet,

1 Tesalonikiz 1:10

hag evit gortoz eus an neñv e Vab en deus adsavet a varv, Jezuz, an hini a zieub ac’hanomp eus ar gounnar da zont.

1 Timote 6:2

Ar re o deus kredourien da vistri ra ne zisprizint ket anezho war digarez ez int breudeur, met ra servijint anezho gwelloc’h abalamour ma’z int kredourien ha re garet-mat, ha m’en em lakaont d’ober vat dezho. Desk an traoù-se hag ali anezho.

Hebreed 2:12

en ur lavarout: Kemenn a rin da anv da’m breudeur, meuliñ a rin ac’hanout e-kreiz ar vodadenn,

Hebreed 3:1

Rak-se, breudeur santel o deus lod er c’halvidigezh neñvel, eveshait ouzh an abostol hag ar beleg-meur eus ar feiz a anzavomp, Jezuz-Krist,

Hebreed 3:14

Rak deuet omp da vezañ lodennek e Krist, gant ma virimp start betek an diwezh hor fiziañs kentañ,

1 Pêr 5:1

Pediñ a ran an henaourien a zo en ho touez, me hag a zo henaour ganto, test eus poanioù Krist, kenlodeg er gloar a dle bezañ diskuliet:

2 Pêr 1:16

Rak n’eo ket oc’h heuliañ mojennoù savet gant ampartiz hon eus roet deoc’h da anavezout galloud ha donedigezh hon Aotrou Jezuz-Krist, met goude bezañ gwelet e splannder gant hon daoulagad hon-unan.

1 Yann 1:1

Ar pezh a oa adalek ar penn-kentañ, ar pezh hon eus klevet, ar pezh hon eus gwelet gant hon daoulagad, ar pezh hon eus sellet outañ hag o deus hon daouarn stoket ennañ, diwar-benn ar Ger a vuhez,

1 Yann 1:5

Kement-mañ eo an disklêriadur hon eus klevet digantañ hag a roomp da anavezout deoc’h: Doue a zo sklêrijenn ha n’eus teñvalijenn ebet ennañ.

1 Yann 1:7

Met mar kerzhomp er sklêrijenn, evel ma’z emañ e-unan er sklêrijenn, ez omp e kenunvaniezh an eil gant egile ha gwad Jezuz-Krist e Vab hor glana a bep pec’hed.