1 Rouaned 3:28 - Bibl Koad 21: Ar Bibl e Brezhoneg evit ar Vretoned

²⁸ Hag holl Israel a anavezas ar varn en doa graet ar roue. Hag e voe doujañs e-keñver ar roue, rak gwelout a rejont e oa ennañ furnez Doue evit barn gant reizhder.

1 Rouaned 3:28 Referencias Cruzadas

1 Rouaned 10:9

Ra vo benniget an AOTROU da Zoue, en deus kavet e blijadur ennout, evit da lakaat war dron Israel! Dre m'en deus karet an AOTROU Israel da viken, eo en deus da lakaet da roue, evit ober eeunder ha reizhder.

1 Rouaned 3:27

Neuze ar roue a respontas o lavarout: Roit da honnezh ar bugel a vev, ha n'e lakait ket d'ar marv: hi eo e vamm.

1 Rouaned 4:1

Ar roue Salomon a voe roue war holl Israel.

1 Danevelloù 29:24

An holl bennoù, hag an dud kadarn, hag holl vibien ar roue David zoken a asantas da blegañ d'ar roue Salomon.

Ezdra 7:25

Ha te Ezdra, laka melestrourien ha barnerien hervez furnez da Zoue a zo ennout, evit ma varnint an holl dud a zo en tu all d'ar stêr, an holl re a anavez lezennoù da Zoue; hag o c'helenni d'ar re n'o anavez ket.

Salmoù 72:2

Ra varno da bobl gant reizhder ha da ezhommeien gant eeunder.

Salmoù 72:4

Reiñ a raio o gwir d'an ezhommeien eus ar bobl, saveteiñ a raio bugale ar paour, hag e flastro ar gwasker.

Ermaeziadeg 14:31

Evel-se Israel a welas an dorn kreñv en doa displeget an AOTROU a-enep an Ejipsianed. Hag ar bobl a zoujas an AOTROU , hag e kredjont en AOTROU hag e Moizez e servijer.

Krennlavarioù 16:10

Diouganoù a zo war vuzelloù ar roue, hag e c'henoù ne bella ket diouzh an eeunder.

Krennlavarioù 24:21

Va mab, douj an AOTROU hag ar roue, ha na vez ket keneil an dud kemm-digemm,

Krennlavarioù 25:2

Gloar Doue eo kuzhat an traoù, met gloar ar rouaned eo furchal an traoù.

Krennlavarioù 8:15

Drezon eo e ren ar rouaned hag e c'hourc'hemenn ar briñsed ar pezh a zo reizh.

Ar Prezeger 7:19

Ar furnez a ro muioc'h a nerzh d'an den fur eget dek gouarnour a vefe en ur gêr.

Izaia 28:6

ur spered a varnedigezh evit an hini a zo azezet war gador ar varnedigezh, hag un nerzh evit ar re a gas en-dro an enebour o stourm outo ouzh an nor.

Daniel 1:17

Doue a roas d'ar pevar den yaouank-mañ gouiziegezh ha meiz en pep lennegezh ha furnez. Ha Daniel a gomprene pep gweledigezh ha pep huñvre.

Daniel 2:21

Eñ eo a gemm an amzerioù hag an degouezhioù, a ziskar ar rouaned hag a sav anezho, a ro ar furnez d'ar re fur hag ar ouiziegezh d'ar re skiantek.

Daniel 2:47

Ar roue a respontas da Zaniel o lavarout: A-dra-sur ho Toue a zo Doue an doueoù hag Aotrou ar rouaned, hag e tiskuilh an traoù kuzhet, rak ec'h eus gellet diskuliañ an dra guzhet-se.

Daniel 5:11

Bez' ez eus un den ez rouantelezh hag emañ spered an doueoù santel ennañ, hag en amzer da dad e voe kavet ennañ ur sklêrijenn, ur skiant hag ur furnez heñvel ouzh furnez an doueoù. Ar roue Nebukadnezar da dad, da dad o roue! en lakaas da vestr war an hudourien, ar steredourien, ar Galdeiz hag an divinourien,

1 Korintiz 1:24

met evit ar re a zo galvet, kement ar Yuzevien evel ar C’hresianed, Krist a zo galloud Doue ha furnez Doue.

1 Korintiz 1:30

Ha drezañ eo ez oc’h e Jezuz-Krist, an hini a zo bet graet deomp a-berzh Doue, furnez, reizhder, santeladur ha dasprenadur,

Koloseiz 2:2

evit ma vo o c’halonoù frealzet, ma vint ereet start asambles er garantez, ma vint pinvidikaet gant ur skiant peurvat, evit anavezout mister Doue, an Tad ha Krist,

Koloseiz 2:3

dalc’het ennañ holl deñzorioù ar furnez hag ar c’houiziegezh.

Jozue 4:14

En deiz-se, an AOTROU a savas Jozue dirak holl Israel, hag e toujjont dezhañ, evel m'o doa doujet da Voizez holl zeizioù e vuhez.

1 Samuel 12:18

Neuze Samuel a grias d'an AOTROU , hag an AOTROU a gasas kurun ha glav en deiz-se. An holl bobl he doe gwall aon rak an AOTROU ha rak Samuel.