1 Rouaned 10:28 - Bibl Koad 21: Ar Bibl e Brezhoneg evit ar Vretoned

²⁸ Eus an Ejipt hag eus Kue eo e teue ar c'hezeg evit Salomon. Ur strollad marc'hadourien ar roue a yae d'o c'herc'hat eus Kue dre lodenn evit ur priz merket.

1 Rouaned 10:28 Referencias Cruzadas

Geneliezh 41:42

Faraon a lamas e walenn diwar e zorn hag he lakaas ouzh dorn Jozef. Hag e wiskas anezhañ gant dilhad lin fin, hag e lakaas ur gelc'henn aour en-dro d'e c'houzoug.

Geneliezh 47:17

Degas a rejont o loened da Jozef, ha Jozef a roas dezho bara e trok ouzh ar c'hezeg, ouzh an tropelloù deñved, ouzh an tropelloù ejened hag ezen. Reiñ a reas dezho bara e trok ouzh o holl dropelloù er bloaz-se.

2 Danevelloù 9:28

Tennet e voe kezeg evit Salomon, eus Ejipt hag eus an holl vroioù.

Krennlavarioù 7:16

Gwisket em eus va gwele gant pallennoù, gant gwiadoù liesliv e lin eus an Ejipt.

Izaia 19:9

Ar re a labour lin fin a vo mezhek, evel ar re a wiad mezher gwenn.

Izaia 36:9

Penaos e rafes evit kas war-dreñv an disterañ gouarnour eus servijerien va mestr pa fiziez en Ejipt, evit ar c'hirri hag ar varc'hegerien?

Ezekiel 27:7

Lin fin eus an Ejipt gant broderezh en deus servijet dit da ouelioù ha da vanniel, gwisket ec'h eus dilhad limestra ha tane eus inizi Elisha.

Adlezenn 17:16

Ne vo ket dezhañ un niver bras a gezeg, ha ne zegaso ket ar bobl en-dro d'an Ejipt evit kreskiñ niver ar c’hezeg, rak an AOTROU en deus lavaret deoc'h: Ne zistroit ken dre an hent-se.