1 Rouaned 1:40 - Bibl Koad 21: Ar Bibl e Brezhoneg evit ar Vretoned

⁴⁰ An holl bobl a bignas war e lerc'h, hag ar bobl a c'hoarie gant fleütoù hag en em roe d'ul levenez vras, ken e frailhe an douar gant o c'hriadennoù.

1 Rouaned 1:40 Referencias Cruzadas

1 Rouaned 1:39

An aberzhour Zadok a gemeras eus an deltenn korn an eoul, hag ec'h olevas Salomon. Hag e sonjont gant ar shofar, hag an holl bobl a lavaras: Ra vevo ar roue Salomon!

1 Rouaned 1:41

Adonija hag an holl re bedet a oa gantañ a glevas, evel ma paouezent da zebriñ. Joab, o klevout son ar shofar, a lavaras: Perak an trouz tousmac'hus-se eus kêr?

1 Rouaned 1:45

An aberzhour Zadok hag ar profed Natan o deus olevet anezhañ da roue e Gihon. Adpignet o deus alese gant levenez, hag holl gêr a oa fromet. Setu an trouz hoc'h eus klevet.

2 Rouned 11:14

Sellout a reas, ha setu, ar roue a oa en e sav e-kichen ar golonenn, hervez ar c'hiz, hag ar pennoù hag an trompilhoù a oa e-kichen ar roue. Holl bobl ar vro a oa oc'h en em laouenaat, hag e soned gant an trompilhoù. Neuze Atalia a rogas he dilhad hag a lavaras: Iriennad! Iriennad!

2 Rouned 11:20

Holl bobl ar vro a laouenaas, ha kêr a voe e peoc'h, goude ma voe lakaet d'ar marv Atalia dre ar c'hleze e ti ar roue.

Salmoù 97:1

An AOTROU a ren. Ra drido an douar gant levenez, ra laouenaio an inizi niverus!

Daniel 3:5

kerkent hag e klevot son ar c'horn, ar c'hleron, ar gitar, al lourenn, an delenn, ar binioù, ha pep seurt binvioù-seniñ, e stouot hag ec'h azeulot an delwenn aour en doa savet ar roue Nebukadnezar.

Zakaria 9:9

Bez laouen, merc'h Sion! Laosk kriadennoù a levenez, merc'h Jeruzalem! Setu, da Roue a zeu da'z kavout, reizh ha trec'hus, uvel ha pignet war un azen, war un azenig, ebeul un azenez.

Sant Lucas 19:37

Ha pa oa dija o tostaat d’an diskenn eus Menez an Olived, an holl vandenn diskibien, karget a levenez, en em lakaas da veuliñ Doue a vouezh uhel evit an holl virakloù o doa gwelet.

1 Samuel 11:15

Hag an holl bobl a yeas da C'hilgal, hag eno e lakajont Saül da roue, dirak an AOTROU e Gilgal, hag ec'h aberzhjont aberzhoù a drugarekadennoù dirak an AOTROU . Ha kalz a levenez o doe eno Saül hag holl dud Israel.

1 Samuel 4:5

Evel ma'z ae arc'h an AOTROU er c'hamp, holl Israel a laoskas kriadennoù ken bras ma sonas an douar.