1 Danevelloù 22:3 - Bibl Koad 21: Ar Bibl e Brezhoneg evit ar Vretoned

³ David a gempennas ivez houarn e-leizh evit tachoù stalafioù an dorojoù hag evit ar c'hraponoù, hag arem e-leizh na c'helled ket pouezañ,

1 Danevelloù 22:3 Referencias Cruzadas

1 Rouaned 7:47

Salomon ne bouezas ket unan eus al listri, dre ma oant re niverus, ha ne soursied ket ouzh pouez an arem.

1 Danevelloù 22:14

Setu, em zrubuilhoù em eus kempennet evit ti an AOTROU kant mil talant aour hag ur milion a dalantoù arc'hant, hag arem hag houarn e-leizh, na c'heller ket pouezañ. Kempennet em eus ivez koad ha mein, hag e lakai ouzhpenn.

1 Danevelloù 29:2

Kempennet em eus gant va holl c'halloud, evit ti va Doue, aour evit ar pezh a vo en aour, arc'hant evit ar pezh a vo en arc'hant, arem evit ar pezh a vo en arem, houarn evit ar pezh a vo en houarn, koad evit ar pezh a vo e koad, mein-oniks, mein da ensterniañ, mein-skarboukl, mein a lies liv, mein prizius a bep seurt, marbr gwenn e-leizh.

1 Danevelloù 29:7

Reiñ a rejont evit servij ti Doue pemp mil talant ha dek mil drakm aour, dek mil talant arc'hant, triwec'h mil talant arem, kant mil talant houarn.

2 Danevelloù 4:18

Salomon a reas an holl draoù-se en niver bras, ha ne soursied ket ouzh pouez an arem.

Jeremiaz 52:20

Diwar-benn an div golonenn, ar mor, hag an daouzek ejen arem a servije da sichennoù, en doa graet ar roue Salomon evit ti an AOTROU, ne oa ket anavezet pouez arem an holl draoù-se.

Adlezenn 8:9

ur vro e-lec'h na zebri ket bara gant rouezded, e-lec'h na vanko dit netra, ur vro ma'z eo he mein houarn hag eus he menezioù e kizelli arem.