Nehemia 9:2 - ÎVUKU RÎA ÛVORO MWARO

² Andû onthe a Isiraeli nîmeeyamûranîtie na ageni. Nao nîmaarûngamire na nîmaambîrîrie kumbûra mevia mao na marîa methe mao ma tene meekîte.

Nehemia 9:2 Referencias Cruzadas

1Atha 8:47

mangîkeerira marî kûu vûrûrirî ûcio maavirirwe matavwa na makûvoye makiumbûraga ûrîa marî evia na marî aganu, nakûthaitha Ngai-Mûnene ûkaathikîrîria mavoya mao.

Ezira 10:11

Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

Ezira 6:21

Îgongoona rîu rîa pasaka nîrîarîrwe nî andû onthe a Isiraeli arîa maaumire îthamîriorî wana nî andû arîa engî maariganîtie nao na maatiganîrîtie maûndû mao marîa matarî ma kûgooca Ngai. Andû acio nîmaatuîkîte a kûgoocaga Ngai-Mûnene, Ngai wa Isiraeli.

Ezira 9:1

Maûndû mau marîkia gwîkwa, anene a andû a Isiraeli nîmaaûkire kûrî nie na makîmbîra atî andû a Isiraeli, athînjîri-Ngai na Alawi matianeyamûrania kuuma kûrî andû arîa mariganîtie nao. Meekaga maûndû macûku wata marîa meekagwa nî Akanaani, Ahiti, Aperizi, Ajebusi, Amoni, Amoabu, Amisiri, na Amori.

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Nehemia 10:28

Andû acio engî a Isiraeli, athînjîri-Ngai, Alawi, arangîri a ivingo, aini, ndungata cia hekarû, na andû onthe arîa meyamûrîte kuuma kûrî ageni kûringana na ûrîa watho wa Ngai ugîte, marî vamwe na aka ao, na ciana ciao cia anake na cia erîtu irîa ciarî ndaûkîre na ciarî na ûmenyo wa maûndû nîcianyuire muma.

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Nehemia 13:3

Vîndî îrîa andû a Isiraeli meegwire Watho ûcio wathomwa, nîmaamûkanire na andû onthe arîa maarî ageni.

Nehemia 13:30

Kwoguo nînaamatheririe kuuma kûrî ûndû wonthe mûgeni. Nînagaaire mawîra ma athînjîri-Ngai na Alawi, wa mûndû ngîmûgaîra wîra wake.

Thaburi 144:11

Mvonokia kuuma kûrî nthû mbaganu, na ûmvonokie kuuma kûrî ageni, arîa maragia maveeni, na mevîtaga wana rîrîa makûthaana.

Thaburi 144:7

Tambûrûkia njara yaku kuuma îgûrû, ndethûra na ûndute manjîrî meengî; mvonokia kuuma kûrî ageni,

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Danieli 9:20

“Vîndî îrîa naaragia ngîvoyaga na ngiumbûraga mevia makwa, na mevia ma andû akwa, Isiraeli na ngîthaithaga Ngai-Mûnene, Ngai wakwa nîûndû wa kîrîma gîake kîtheru,

Hosea 5:7

Nîmatigîte gûtuîka evokeku kûrî Ngai-Mûnene, nîmagîte na ciana îtarî cia ma. Mweri mûcerû nîûkamacûkangia vamwe na mîgûnda yao.