Nehemia 9:10 - ÎVUKU RÎA ÛVORO MWARO

¹⁰ Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Nehemia 9:10 Referencias Cruzadas

Nehemia 9:16

Nwatî methe metû ma tene nîmaaûmirie ciongo ciao na magîtuîka etîi, na nîmaaregire kwathîkîra maathani maku.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Ntha 18:11

Rîu nîmenyete atî Ngai-Mûnene nîke mûnene gûkîra ngai cionthe. Nîûndû nîwavonokirie andû ake kuuma kûrî andû aganu a Misiri.”

Ntha 3:20

Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Ntha 7:1

Ngai-Mûnene nîwerire Musa atîrî, “Nie nîngûtua ta ûrî Ngai varî mûthamaki. Nake Aroni mûrwanyûkwe nîakaarîria mûthamaki ta arî mûrathi waku.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 42:20

Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Isaia 63:14

Wata ûrîa ng'ombe iviragwa ciandarî irîa noru, nwaguo Roho wa Ngai-Mûnene aanogokirie andû ake. Ûguo nîguo we Ngai watongoririe andû aku nîguo wîgîre na îgweta înene.

Jeremia 32:20

Nîwaringire ciama na ûgîka maûndû manene Misiri, na nîûthiîte na mbere kûmeka Isiraeli nginya ûmûnthî na ûndû ûcio ûgatûma ûmenyakane.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Aroma 9:17

Nîûndû mandîkorî matheru Ngai erire mûthamaki wa Misiri atîrî, “Nie naagûtuire mûthamaki nîguo ngûtûmîre kwonania vinya wakwa na ngumo yakwa îtambe nthî yonthe.”

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”