Nehemia 6:1 - ÎVUKU RÎA ÛVORO MWARO

¹ Sanibalati, Tobia, Geshemu ûrîa warî Mûarabu, na nthû cietû cionthe nîmegwire atî nîtwatumîte rûthingo rûkathira na gûtirî mwanya watigîtwe ûtarî mûtume. Nwatî vîndî îo ndiekîrîte mîrango ya ivingo.

Nehemia 6:1 Referencias Cruzadas

Nehemia 13:4

Mbere ya ûndû ûyû wîkîke, Eliashibu ûrîa warî mûthînjîri-Ngai, na nîke wathuurîtwe arî mûrûngamîrîri wa tûnyomba twa hekarû tûrîa twaigagwa indo, ethîrîtwe arî mûrata wa Tobia.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 3:1

Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 3:3

Mbarî ya Hasenaa nîyatumire Kîvingo Kîam Nthamaki. Nîmaacokire magîtuma mbaû cia kûrûngamia kîvingo na magîkîra mîrango na irenji wana mîkîgo ya kûvinga kîvingo.

Nehemia 3:6

Joiada mûvîcî wa Pasea na Meshulamu mûvîcî wa Besodeia nîmaatumire rîngî kîvingo kîrîa gîa tene. Nîmaacokire magîtuma mbaû cia kûrûngamia mûrango, na magîkîra mîrango, irenji ciaguo wana mîkîgo ya kûvinga kîvingo.

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Nehemia 7:1

Vuva wa kûrîkia gûtuma rûthingo na gwîkîra ivingo cionthe varîa ciagîrîrwe, arangîri a ivingo, aini a nyîmbo, na Alawi nîmaathuurirwe.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.