Nehemia 5:7 - ÎVUKU RÎA ÛVORO MWARO

⁷ Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Nehemia 5:7 Referencias Cruzadas

Thaburi 109:11

Mûndû ûrîa ûmûkombithîtie kîndû, nîamûcune indo îrîa agîte nacio cionthe.

Thaburi 15:1

Ûûi Ngai-Mûnene, nû ûngîtûûra hekarûrî yaku? Nû ûngîtûûra Zayuni kîrîmarî gîaku kîrîa kîtheru?

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Thaburi 4:4

Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Ntha 22:24

nanie nîngaarakara na nîmûragithîrie mbaararî. Nao aka enyu nîmagaatuîka a ndigwa nacio ciana cienyu itigwe itarî na methe.

Ntha 22:25

“Mûndû ûgaakombithia ûmwe wa andû akwa arîa athîni mbeca, ndagatuîke ta mûndû ûrîa ûkombithanagia mbeca agîa na maciaro.

Nthi 27:5

Nîkava mûndû agîkûruta mavîtia andû onthe makîgucaga, gûkîra mûndû ûrîa ûkûthithaga wendo wake.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 45:9

Ngai-Mûnene augîte atîrî, “Mue anene a andû a Isiraeli nîmwîvîtie vandû va kavinda karaca. Thirwani nî waganu na mûtige kûvinyanîrîria mwîkage maûndû ma kîvooto na ma waragania. Tigani kûvinyûria andû akwa kuuma vûrûrirî wao. Nie Ngai-Mûnene nînie nauga ûguo.

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Alawi 25:36

Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Agal 2:11

Nwatî rîrîa Petero aûkire Antiokia, nînaareganire nake tûrî mbere ya etîkia onthe nîûndû nîwekîte naaî.

1Tim 5:20

Andû arîa mekaga mevia magîrîrwe nî gûkaanua marî mbere ya andû onthe nîguo andû arîa engî metigîre.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.