Nehemia 5:5 - ÎVUKU RÎA ÛVORO MWARO

⁵ Tûrî a nthakame îmwe na Ayahudi acio etû. Ciana cietû nî ûndû ûmwe na ciana ciao. Nwatî rîu ciana cietû tûraitua ngombo. Erîtu etû amwe nîmendetue ta ngombo. Nwatî tûtingîvota gwîtethia, nîûndû tûrî acune mîgûnda yetû na mîtî yetû ya mîthavibu nî andû engî.”

Nehemia 5:5 Referencias Cruzadas

Kîam 29:14

Kwoguo Labani nîwerire Jakovu atîrî, “Nama nie nawe twî kîndû kîmwe.” Jakovu nîwekarire kûu mweri ûmwe.

Kîam 37:27

Tigani tûmwendie kûrî Aishumaeli aya. Tûtikamûrage nîûndû nî mûrwaiya na tûrî a nthakame îmwe.” Nao aa mûrwang'ina nîmetîkanirie nake.

2Atha 4:1

Mûndûmûka ûmwe wa ndigwa warî mûka wa mûndû ûmwe wa gîkundi Kîam arathi nîwathiîre kûrî Elisha na akîmwîra atîrî, “Mûthuuriwa ararî ndungata yaku na nî mûkuû. Nîwicî atî ndungata îo yaku nîîretigîrîte Ngai-Mûnene, na rîu mûndû ûrîa ûramûkombithîtie mbeca nîwecîra anake akwa oîrî nîguo magatuîke ngombo ciake.”

Nthi 22:7

Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Mathaayo 18:25

Na ndungata îo ndîngîavotire kûrîva mûnene wayo mbeca icio. Kwoguo mûthamaki nîwathanire yendue îgatuîke ngombo, wa vamwe na mûka na ciana, na indo cionthe irîa aarî nacio nîguo thirî ûcio ûrîvîke.