Nehemia 5:1 - ÎVUKU RÎA ÛVORO MWARO

¹ Vîndî îmwe nîkwagîre na îteta înene kuuma kûrî arûme na aka ao nîûndû wa Ayahudi amwe ao.

Nehemia 5:1 Referencias Cruzadas

Nehemia 4:23

Kwoguo nie, aa mûrwaiya, ndungata ciakwa wana arangîri arîa twarî nao tûtiarutaga nguo cietû. Tuonthe twethagîrwa tûnyitîte indo cietû cia mbaara.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 34:8

Gîkî nîkîo kiugo kîrîa gîakinyîre Jeremia kuuma kûrî Ngai-Mûnene, vuva wa mûthamaki Zedekia kûrûtha kîrîkanîro na andû onthe a Jerusalemu atî marekererie

Ezek 45:9

Ngai-Mûnene augîte atîrî, “Mue anene a andû a Isiraeli nîmwîvîtie vandû va kavinda karaca. Thirwani nî waganu na mûtige kûvinyanîrîria mwîkage maûndû ma kîvooto na ma waragania. Tigani kûvinyûria andû akwa kuuma vûrûrirî wao. Nie Ngai-Mûnene nînie nauga ûguo.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Ciîko 7:26

Mûthenya ûcio warûmîrîrîte, Musa nîwonire Aisiraeli aîrî magîtetania. Nake akîgeria kûmeguithania nîwamerire atîrî, ‘Andû etû mûravîtania nîkî na mue mûrî a ng'ina ûmwe?’

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.