Nehemia 4:7 - ÎVUKU RÎA ÛVORO MWARO

⁷ Nwatî rîrîa Sanibalati, Tobia na andû a Arabia, Aamoni, na Ashidodi meegwire atî wîra wa gûtuma rûthingo rwa Jerusalemu rîngî nwa ûrathiî na mbere na kûrîa kwarî na mîanya nîkûravingwa nîmaarakarire mûno.

Nehemia 4:7 Referencias Cruzadas

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

2Maû 20:1

Vuvarî athigari a Moabu na a Aamoni na andû amwe a Ameuni arîa maagwatanagîra nao, nîmaatharîkîre Juda.

Ezira 5:8

“Mûthamaki wetû nîtûgûkûmenyithia atî nîtwathiîre vûrûrirî wa Juda na tûkîthiî hekarûrî ya Ngai ûrîa mûnene. Nîtwethîrîrie îgîtumagwa na mathiga manene mûno na mbaû nene cigîrîrîtwe nthingorî. Wîra ûyû nîûrarutwa ûmenyereretwe na kinyi na nîûrathiî na mbere waro.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Nehemia 4:6

Kwoguo nîtwatumire rûthingo rîngî na rûgîkinya nuthu ya ûraca waruo kûthiî na îgûrû nîûndû andû maarî na wendo wa kûruta wîra.

Nehemia 4:8

Kwoguo nîmaavangire marî vamwe matharîkîre Jerusalemu nîguo kûgîe na kîvîngîcî wîrarî wa gûtuma.

Nehemia 6:16

Rîrîa nthû cietû cionthe na ndûrîrî irîa ciatûthiûrûrûkîrîtie ciegwire atî wîra wa gûtuma rîngî rûthingo nî mûrîku, nîmaamakire na makîgua maconokete mûno. Nîmaacokire makîmenya atî nî Ngai ûtûtethetie kûruta wîra.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Jeremia 41:10

Ishumaeli nîwacokire agîtava erîtu a mûthamaki na andû acio engî maatigarîte marî Mizipa, arîa Nebuzaradani mûnene wa arangîri aatuîte Gedalia mûmenyereri wao. Ishumaeli mûvîcî wa Nethania nîwamatavire na akîringa nao vûrûri wa Aamoni.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Amosi 1:8

Nîngaathengutia andû arîa matûûraga Ashidodi, mverithie mûnene wa Ashikeroni. Nîngaaverithia îtûûra rîa Ekironi, na Afilisiti onthe arîa maatigarîte nîmagaakua.”

Amosi 3:9

Anîrîrani mûrî nyombarî cia athamaki irîa irî Ashidodi wana mwanîrîre mûrî nyombarî cia anene îgûrû mûrî Misiri muge atîrî, “Gomanani irîmarî cia Samaria na mwone kîthigithigi kîrîa kîrî kuo, wana ûvinyanîrîria ûrîa ûrî kuo.”

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

1Sam 11:2

Nake Nahashu, ûcio Mûamoni akîmeera atîrî, Ûndû ûmwe tu nîguo ûngîtûma mbîtîkîre tûthondeke kîrîkanîro namue. Naguo nî atî, nîmûkûûre wa mûndû ritho rîake rîa ûrîo, naguo ûndû ûcio ûtuîke wa gûconorithia andû onthe a Isiraeli.