Nehemia 4:6 - ÎVUKU RÎA ÛVORO MWARO

⁶ Kwoguo nîtwatumire rûthingo rîngî na rûgîkinya nuthu ya ûraca waruo kûthiî na îgûrû nîûndû andû maarî na wendo wa kûruta wîra.

Nehemia 4:6 Referencias Cruzadas

1Maû 29:14

“Nwatî nîrî û nie na andû akwa nî arîkû atî nîguo tûkûrutîre na ûtana? Indo cionthe ciumaga kûrî we na twagûcokeria irîa watûveere.

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

2Maû 29:36

Mûthamaki Hezekia na andû onthe nîmaakenire nîûndû wa maûndû marîa Ngai aamavotithîtie gwîka, nîûndû maûndû mau nîmeekîkire na îvenya mûno.

Nehemia 4:5

Ndûkamarekere maûndû macûku marîa mareka na ndûkariganîrwe nî mevia mao, nîûndû nîmatûrumîte tue andû arîa tûratuma rûthingo.”

Nehemia 4:7

Nwatî rîrîa Sanibalati, Tobia na andû a Arabia, Aamoni, na Ashidodi meegwire atî wîra wa gûtuma rûthingo rwa Jerusalemu rîngî nwa ûrathiî na mbere na kûrîa kwarî na mîanya nîkûravingwa nîmaarakarire mûno.

Nehemia 6:15

Wîra wonthe wa gûtuma rîngî rûthingo nîwathirire mûthenya wa mîrongo îîrî na îtano wa mweri wa Eluli. Wîra ûcio warutirwe îvinda rîa mîthenya mîrongo îtano na îîrî.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 122:3

Jerusalemu, îtumîtwe ta îtûûra rîrî rînyitanu vamwe.

Hagai 1:14

Kwoguo Ngai-Mûnene nîwekîrire ngoro ya Zerubabeli mûnene wa Juda vinya, Joshua mûthînjîri-Ngai mûnene na andû arîa onthe maacokete kuuma îthamîriorî. Nîmaambîrîrie gûtuma rîngî hekarû ya Ngai-Mûnene mwene vinya wonthe, Ngai wao,

Afil 2:13

Ngai ethagîrwa akîruta wîra ndaarî yenyu vingo cionthe, nîguo atûme mwende na mûvote kwathîkîra wendi wake.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!