Nehemia 4:23 - ÎVUKU RÎA ÛVORO MWARO

²³ Kwoguo nie, aa mûrwaiya, ndungata ciakwa wana arangîri arîa twarî nao tûtiarutaga nguo cietû. Tuonthe twethagîrwa tûnyitîte indo cietû cia mbaara.

Nehemia 4:23 Referencias Cruzadas

Nehemia 4:22

Kavindarî wa kau nînerire andû onthe atîrî, “Tiga mûndûmûrûme wonthe na ndungata ciake mathiî magekarage Jerusalemu, nîguo ûtukû tûrangagîre îtûûra na mûthenya tûkaruta wîra.”

Nehemia 5:1

Vîndî îmwe nîkwagîre na îteta înene kuuma kûrî arûme na aka ao nîûndû wa Ayahudi amwe ao.

Nehemia 5:16

Narutire wîra wa gûtuma rûthingo rîngî na vinya wakwa wonthe na gûtirî kîndû negîrîre nakîo. Nethagîrwa na ndungata ciakwa cionthe wîrarî ûcio wa gûtuma rûthingo.

Nehemia 7:2

Nînavere mûrwaiya, Hanani marî na Hanania, ûrîa warî mûnene wa vandû varîa vagitîre mûno wîra wa kûrûngamîrîra Jerusalemu. Hanania aarî mûndû warî mwîvokeku na wetigîrîte Ngai gûkîra andû eengî.

Joeli 2:8

Gûtirî mûndû ûvatîkaga ûrîa wîngî, wa mûndû arûmagîrîra njîra yake; mavîtûkagîrîra gatagatî ka nyambo, na gûtirî wanarî gîa kûmagirîrîria.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

Atir 5:11

Tathikîrîriani! Acio maranegena marî ithimarî cia manjî, marauga ûrîa Ngai-Mûnene avootanîte, ûvootani wa andû a Isiraeli! Nao andû a Ngai-Mûnene nîmaaumire matûûrarî mao.

Atir 9:48

Kwoguo nîwaunûkirie Kîrîmarî Kîam Zalimoni marî na andû ake. Nîwocire îthanwa, agîtinia rûvûa rwa mûtî na akîrwigîrîra gîturorî gîake. Nîwacokire akîra andû acio maarî nake atîrî, “Îkani narua ûguo mwona neka.”