Nehemia 4:12 - ÎVUKU RÎA ÛVORO MWARO

¹² Nwatî Ayahudi arîa maatûûraga gatagatîrî ka nthû cietû nîmaaûkire kûrî tue maita îkûmi na magîtwîra atîrî, “Nthû cienyu kuuma kûrîa kuonthe itûûraga nîiravanga mîvango mîcûku îtwîgiî.”

Nehemia 4:12 Referencias Cruzadas

Kîam 31:41

Mbîkarîte gwaku mîaka mîrongo îrî; nagûtungatîre mîaka îkûmi na îna nîguo mvikie erîtu aku oîrî, na ngîrîthia ndîthia yaku mîaka îtandatû. Kûnarî ûguo, we wîthîrîtwe ûgarûrîte mûcara wakwa maita îkûmi.

Kîam 31:7

Kûnarî ûguo, aguo ethîrîtwe akîmveenia, na akagarûra mûcara wakwa maita îkûmi. Nwatî Ngai ndaanamwîtîkîria ambîke ûndû mûcûku.

Nehemia 4:11

Nthû cietû cieciragia atî tûtikaamona kana tûmenya ûrîa maavangaga gûtumîrîra wa rîmwe na kwambîrîrie gûtûûraga nîguo wîra wetû ûkinyie mûthiia.

Nehemia 4:13

Kwoguo vuva wa rûthingo mîanyarî kûrîa rûtaarî rûriku, nînaigire andû kûringana na nyomba ciao. Andû acio nînaamavere mviû, matumû na moota.

Ayubu 19:3

Nî maita îkûmi mwîthîrîtwe mûkînuma, mûtingîconoka nî ûguo mûnumîte?

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.