Nehemia 3:5 - ÎVUKU RÎA ÛVORO MWARO

⁵ Na arûme a Tekoa nîmaatumire rîngî gîcunjî kîrîa Kîamriganîtie na kîrîa gîatumirwe nî Zadoku. Nwatî atongoria ao matiaruta wîra ûrîa maavetwe nî mwathi wao.

Nehemia 3:5 Referencias Cruzadas

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

2Maû 11:6

Aatumire matûûra ma: Bethilehemu, Etamu, Tekoa,

Nehemia 3:27

Andû a Tekoa nîo maatumire rîngî gîcunjî kîrîa Kîamrî vakuvî na kîu gîatumirwe nî ndungata cia hekarû. Maatumire kuuma varîa rûthingo rûu rwaroranîtie na nyomba nene ndaca na îgûrû îrîa yarî ya kûrangîra hekarû nginya rûthingorî rwa Ofeli.

Nehemia 3:4

Gîcunjî kîrîa Kîamriganîtie na kîu nakîo gîatumirwe rîngî nî Meremothi mûvîcî wa Uria. Uria aarî mûvîcî wa Hakozi. Nake Meshulamu mûvîcî wa Berekia nîwatumire rîngî gîcunjî kîrîa Kîamriganîtie na kîu gîatumirwe nî Meremothi. Berekia aarî mûvîcî wa Meshezabeli. Zadoku mûvîcî wa Baana nîwatumire rîngî gîcunjî kîrîa Kîamriganîtie na kîrîa gîatumirwe nî Meshulamu.

Nehemia 3:6

Joiada mûvîcî wa Pasea na Meshulamu mûvîcî wa Besodeia nîmaatumire rîngî kîvingo kîrîa gîa tene. Nîmaacokire magîtuma mbaû cia kûrûngamia mûrango, na magîkîra mîrango, irenji ciaguo wana mîkîgo ya kûvinga kîvingo.

Jeremia 27:12

Nie Jeremia, nînerîte Zedekia mûthamaki wa Juda maûndû wata mau namwîrîte atîrî, “Athîkagîra mûthamaki wa Babuloni, ûmûtungatîre vamwe na andû ake na nîûgûtûûra mwoyo.

Jeremia 27:2

Ngai-Mûnene aambîrire atîrî, “Jeremia, rûtha îcoki na mîkwa yarîo na ûrîkîre ngingorî yaku.

Jeremia 27:8

“Nwatî vûrûri wa wonthe kana ûthamaki ûngîkarega gûtungatîra Nebukadinezarû mûthamaki wa Babuloni na kûmwathîkîra, nîngaverithia vûrûri ûcio na mbaara, yûra na mîrimû na nîûthirie viû na njîra ya mûthamaki Nebukadinezarû.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Ciîko 15:10

Kwoguo rîu mue nîndûî kîratûma mûgerie Ngai? Mue mûreka ûguo na njîra ya kwigîrîrwa etîkia mîrigo mîrito îrîa tue wana kana methe metû ma tene matangîavotire gûkuua.

1Akor 1:26

Ariû na aarî a îthe wetû, taririkanani ûrîa mwekariî rîrîa Ngai aamwîtire. Kûringana na woni wa andû, tî eengî gatagatîrî kenyu maarî aûgî kana maarî na vinya wana kana maaciarîrwe mîciîrî ya vata.

Atir 5:23

Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”