Nehemia 3:14 - ÎVUKU RÎA ÛVORO MWARO

¹⁴ Malikija mûvîcî wa Rekabu, ûrîa wathaga vûrûri wa Bethi-hakeremu nîwatumire rîngî kîvingo kîrîa gîtecagwa gîko. Nîwekîrire mîrango ya kîvingo na agîkîra irenji na mîkîgo ya kûvinga mûrango ûcio.

Nehemia 3:14 Referencias Cruzadas

2Sam 4:2

Ishiboshethu aarî na andû aîrî arîa maatongoragia athigari ake a mbaara. Ûmwe etagwa Baana, nake ûcio wîngî etagwa Rekabu. Andû acio oîrî maarî anake a Rimoni, ûrîa waumîte Be-erothi mûvîrîgarî wa Benjamini. (Be-erothi îtaragwa îrî gîcunjî kîmwe Kîam Benjamini).

2Atha 10:15

Jehu nîwambîrîre rûgendo rîngî, na arî njîrarî, nîwacemanirie na Jehonadabu mûvîcî wa Rekabu. Jehu nîwamûkethirie na akîmûria atîrî, “Wîna meciria ta makwa? Nîûkûnyita mbaru?” Nake Jehonadabu nîwacokirie atîrî, “Îî, nîngûkûnyita mbaru.” Jehu nîwacokire akîmwîra atîrî, “Ethîrwa nî guo, rete njara yaku.” Nîmaagwatanire njara na Jehu akîmûtethereria gûtwa gîkaarirî Kîam mbarathi.

1Maû 6:40

Shimea aarî mûvîcî wa Mikaeli, Mikaeli aarî mûvîcî wa Ba-aseia. Ba-aseia aarî mûvîcî wa Malikija.

Nehemia 12:31

Nînacokire ngîgomanithia atongoria a Juda rûthingorî îgûrû. Nînaamatuire arûngamîrîri a ikundi igîrî nene irîa ciathiûrûrûkire îtûûra rînene igîcokagia ngatho kûrî Ngai. Gîkundi kîmwe Kîamthiîre mwena wa ûrîo îgûrû rîa rûthingo merekerete Kîvingorî Kîam Gîko.

Nehemia 2:13

Ûtukû ûcio nîtwaumire îtûûrarî rîu rînene tûvîtûkîrîrîte mwena wa îthûîro kîvingorî kîrîa Kîamrî Kîamndarî. Nîtwathiîrîre kîthimarî Kîam Njûnamatu nginya kîvingorî kîrîa gîatecagwa gîko. Na wa nthiîte nînaroragia nthingo cia Jerusalemu irîa ciamomokangîte na ivingo irîa ciacûkangîtue nî mwaki.

Nehemia 3:9

Ragaia mûvîcî wa Huri ûrîa wathaga nuthu ya vûrûri wa Jerusalemu, nîwatumire rîngî gîcunjî kîrîa Kîamriganîtie na kîrîa gîatumirwe nî Hanania.

Jeremia 6:1

Mue andû a Benjamini, ûrani mûkegitîre! Ûrani mume Jerusalemu! Vuvani karumbeta mûrî Tekoa; na mwonanie rûûri rwa ûgwati kûu Bethi-hakeremu! Nîûndû ûndû mûcûku na mwanangîko kuuma mwena wa rûgûrû nîûkîte.