Nehemia 3:1 - ÎVUKU RÎA ÛVORO MWARO

¹ Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 3:1 Referencias Cruzadas

Nehemia 12:10

Jeshua aarî îthe wa Joakimu, Joakimu aarî îthe wa Eliashibu. Eliashibu aarî îthe wa Joiada,

Nehemia 12:30

Athînjîri-Ngai na Alawi nîmaathondekire magongoona ma kwîtheria o ene, kûtheria andû, ivingo, na rûthingo rwa îtûûra rîa Jerusalemu.

Nehemia 12:39

Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.

Nehemia 13:28

Ûmwe wa avîcî a Jehoiada, mûvîcî wa Eliashibu, Mûthînjîri-Ngai mûnene aavikîtie mwîrîtu wa Sanibalati. Sanibalati aarî wa kuuma Horoni. Kwoguo nînengatire Jehoiada aume Jerusalemu.

Nehemia 13:4

Mbere ya ûndû ûyû wîkîke, Eliashibu ûrîa warî mûthînjîri-Ngai, na nîke wathuurîtwe arî mûrûngamîrîri wa tûnyomba twa hekarû tûrîa twaigagwa indo, ethîrîtwe arî mûrata wa Tobia.

Nehemia 3:20

Baruku mûvîcî wa Zabai nîwatumire rîngî gîcunjî kîu kîngî Kîam rûthingo varîa rweyunîrîte nginya mûromorî wa nyomba ya Eliashibu, Mûthînjîri-Ngai mûnene.

Nehemia 3:21

Meremothi mûvîcî wa Uria aatumire rîngî gîcunjî Kîam rûthingo kuuma mûromorî wa nyomba ya Eloashibu nginya mûthiia wa nyomba îo. Meremothi aarî mûcûkûrûwe wa Hakozi.

Nehemia 3:32

Aturi a indo cia thaavu na andû arîa maagûraga na makendia indo nîmaatumire rîngî gîcunjî Kîam mûthiia kuuma varîa rûthingo rwa nyomba îgûrû rweyunîrîte nginya Kîvingorî Kîam Ng'ondu.

Nehemia 6:1

Sanibalati, Tobia, Geshemu ûrîa warî Mûarabu, na nthû cietû cionthe nîmegwire atî nîtwatumîte rûthingo rûkathira na gûtirî mwanya watigîtwe ûtarî mûtume. Nwatî vîndî îo ndiekîrîte mîrango ya ivingo.

Nehemia 7:1

Vuva wa kûrîkia gûtuma rûthingo na gwîkîra ivingo cionthe varîa ciagîrîrwe, arangîri a ivingo, aini a nyîmbo, na Alawi nîmaathuurirwe.

Thaburi 30:1

Nî ngûkumagia we Ngai-Mûnene, nîûndû nîûmvonoketie, na ûkîgiria nthû ciakwa inthekerere.

Thaburi 48:12

Andû a Ngai, thiûrûrûkani îtûûra rîa Zayuni, na mûtare nyomba ndaca cia rîo;

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Nthi 3:9

Tîîaga Ngai-Mûnene na indo ciaku, na ûmûrutagîre maketha ma mbere ma indo cionthe cia mîgûnda yaku.

Jeremia 31:38

Ngai-Mûnene arauga atîrî, “Îvinda nîrûgûkinya rîrîa îtûûra rîonthe rîakwa rîa Jerusalemu rîgatumwa rîngî, kuuma nyombarî îrîa ndaca na îgûrû ya Hananeli nginya mwena wa îrathîro wa mwîrîga wa kona.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Johana 5:2

Nakuo kûu îtûûrarî rîa Jerusalemu vakuvî na Kîvingo Kîam Ng'ondu, kwarî na îria rînene rîa manjî rîatumîrîtwe ithaku ithano na rîetagwa Bethizatha na rûthiomi rwa Kîhibirania.

Gûco 20:5

“Nao anene a athigari a mbaara nîmagaacoka meere athigari atîrî, ‘Kûrî mûndû gatagatîrî kenyu mûtumu nyomba njerû na tî mûmîvoeru nîguo Ngai amîrathime? Mûndû ûcio nîacoke mûciî nîûndû nwa akuîre mbaararî na nyomba îo yake îkavoerwa nî mûndû wîngî.