Nehemia 2:8 - ÎVUKU RÎA ÛVORO MWARO

⁸ Na anengere maarûa îngî mvirîre Asafu mûmenyereri wa mûtitû wa vûrûri nîguo akaamva mbaû cia gûtuma ivingo cia vandû varîa vagitîre mûno varîa hekarû yarî na cia rûthingo rwa îtûûra rînene. Na acoke anengere mbaû nîûndû wa nyomba îrîa ngeekara. Nake Ngai aarî vamwe nanie kwoguo mûthamaki nîwanengere kîrîa kîonthe netirie.

Nehemia 2:8 Referencias Cruzadas

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Ezira 5:5

Nwatî Ngai nîwamenyagîrîra atongoria a Ayahudi, na anene a thirikari ya Perisia nîmaatuire matigeke ûndû wana ûrîkû matambîte kûmenyithia mûthamaki Dario, na macoke manyite macokio make.

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Ezira 6:8

Makîria ma ûguo nîrathana ûndûrî wîgiî ûtumi wa hekarû ya Ngai rîngî atî mavûthîri monthe makaarîvagwa nî mûthithû wa vûrûri matagûcererwa. Mbeca cia kûrîva wîra ûcio ikonekaga na njîra ya gooti cia mîthemba yonthe îrîa îkaûnganagua kûu vûrûrirî ûrîa ûrî mwena wa îthûîro wa Rûnjî rwa Farati nîguo wîra ndûkarûngame.

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Ezira 7:9

Rûgendo rwao rwa kuuma Babuloni maarwambîrîrîtie mûthenya wa mbere wa mweri wa mbere mwakarî wa mûgwanja Aritakiserikise arî mûthamaki. Nake Ngai aarî vamwe nao.

Nehemia 7:2

Nînavere mûrwaiya, Hanani marî na Hanania, ûrîa warî mûnene wa vandû varîa vagitîre mûno wîra wa kûrûngamîrîra Jerusalemu. Hanania aarî mûndû warî mwîvokeku na wetigîrîte Ngai gûkîra andû eengî.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Mûvunjia 2:5

Nînarîmire mîgûnda ya matunda na ngîvanda mîtî ya matunda ma mîthemba yonthe kuo.

Mûvunjia 2:6

Nînenjire iriko cia manjî ma gwîtîrîria mîtî îo.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Danieli 1:9

Ngai nîwatûmire Ashipenazi ende Danieli na amwîguîre ntha.

Ciîko 26:22

Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

2Akor 8:16

Nîtûgûcokia ngatho kûrî Ngai ûrîa ûtûmîte Tito agîe na wendi wa kûmûtethia ta ûrîa tûrî naguo.