Nehemia 2:14 - ÎVUKU RÎA ÛVORO MWARO

¹⁴ Nînaacokire ngîthiî Kîvingorî gîa Kîthima Kîam manjî na ngîthiî Kariarî ka Mûthamaki. Nwatî kûu kuonthe gûtiarî vandû vangîvîtûkîrîrwa nî mvunda îrîa nekarîrîte.

Nehemia 2:14 Referencias Cruzadas

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 20:20

Maûndû mengî monthe marîa Hezekia eekire, ciîko ciake cia ûcamba, na ûrîa enjire karia ka manjî na akînja mûtaro wa kûvira manjî îtûûrarî rînene, nîmandîke Îvukuurî rîa Maûndû ma Tene ma Athamaki Juda.

2Maû 32:30

Hezekia nîke wavingire kûrîa manjî ma ithima cia Gihoni maaumagîrîra mwena wa îgûrû na akîmatemera mîtaro manyûrûrûke na mwena wa îthûîro wa îtûûra rîa Daudi. Maûndû monthe marîa Hezekia aambagîrîria, nîmaavucaga.

Nehemia 12:37

Kîvingorî kîrîa Kîamrî kîthimarî Kîam manjî nîmaaunûkirie mathiîrîrîte ngathîrî îrîa yathiîte îtûûrarî rînene rîa Daudi. Nîmaavîtûkire mûciî wa mûthamaki Daudi, na nîmaathiîrîre vuva wa rûthingo nginya kîvingorî Kîam manjî, mwena wa îrathîro wa îtûûra rîa Jerusalemu.

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Nehemia 3:16

Nehemia mûvîcî wa Azibuki ûrîa wathaga nuthu ya vûrûri wa Bethizuri nîwatumire rîngî rûthingo varîa varoranîtie na mbîrîra ya Daudi, kariarî, nginya nyombarî ya arûme arîa maarî vinya.

Mûvunjia 2:6

Nînenjire iriko cia manjî ma gwîtîrîria mîtî îo.