Nehemia 13:4 - ÎVUKU RÎA ÛVORO MWARO

⁴ Mbere ya ûndû ûyû wîkîke, Eliashibu ûrîa warî mûthînjîri-Ngai, na nîke wathuurîtwe arî mûrûngamîrîri wa tûnyomba twa hekarû tûrîa twaigagwa indo, ethîrîtwe arî mûrata wa Tobia.

Nehemia 13:4 Referencias Cruzadas

Nehemia 12:10

Jeshua aarî îthe wa Joakimu, Joakimu aarî îthe wa Eliashibu. Eliashibu aarî îthe wa Joiada,

Nehemia 12:44

Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Nehemia 13:28

Ûmwe wa avîcî a Jehoiada, mûvîcî wa Eliashibu, Mûthînjîri-Ngai mûnene aavikîtie mwîrîtu wa Sanibalati. Sanibalati aarî wa kuuma Horoni. Kwoguo nînengatire Jehoiada aume Jerusalemu.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 3:1

Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 6:1

Sanibalati, Tobia, Geshemu ûrîa warî Mûarabu, na nthû cietû cionthe nîmegwire atî nîtwatumîte rûthingo rûkathira na gûtirî mwanya watigîtwe ûtarî mûtume. Nwatî vîndî îo ndiekîrîte mîrango ya ivingo.