Nehemia 11:1 - ÎVUKU RÎA ÛVORO MWARO

¹ Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Nehemia 11:1 Referencias Cruzadas

1Maû 26:13

Nyomba cionthe, nene kana nini nîciaikirie mîtî nîguo imenye ivingo irîa ikaarangagîra.

1Maû 8:28

Acio nîo maarî atongoria a mbarî ciao kûringana na njiarwa ciao arîa maatûûraga Jerusalemu.

1Maû 9:1

Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

1Maû 9:2

Andû a mbere arîa maacokire na magatûûra vûrûrirî wao na matûûrarî mao maarî: Aisiraeli, athînjîri-Ngai, Alawi na aruti wîra a hekarû.

1Maû 9:3

Andû a mîvîrîga ya Juda, Benjamini, Efiraimu, na Manase nîmaathiîre gûtûûra Jerusalemu.

Nehemia 10:34

Tue, athînjîri-Ngai, Alawi, na andû acio engî, tûgaikagia mîtî wa mwaka nîguo tûmenye mavinda marîa wa mbarî îkaaretaga ngû na matega ma kûvîvua metharî ya kîgongoona ya Ngai-Mûnene, Ngai wetû, wata ûrîa kwandîkîtwe Wathorî.

Nehemia 11:18

Alawi onthe arîa maatûûraga îtûûra rîrîa rînene rîa Jerusalemu maarî magana maîrî ma mîrongo înana na ana (284).

Nehemia 4:22

Kavindarî wa kau nînerire andû onthe atîrî, “Tiga mûndûmûrûme wonthe na ndungata ciake mathiî magekarage Jerusalemu, nîguo ûtukû tûrangagîre îtûûra na mûthenya tûkaruta wîra.”

Thaburi 122:5

Kûu nîkuo itî cia gûcirithanîria cigîtwe, itî cia ûthamaki wa nyomba ya Daudi.

Thaburi 122:6

Voyani nîguo Jerusalemu kûgîe thayû, “Arîa makwendete marothatûkwa.

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Mathaayo 27:53

na makiumia mbîrîrarî ciao. Na rîrîa Jesû ariûkire, nîmaathiîre îtûûrarî rîa Jerusalemu na makîonwa nî andû eengî.

Mathaayo 4:5

Nayo Ngoma îo nîyacokire îkîvira Jesû îtûûrarî rîrîa rîtheru rîa Jerusalemu, na îkîmûrûngamia gacûmbîrî ga hekarû.

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 1:26

Nao nîmaaikirie mîtî nîguo mathuure ûmwe gatagatîrî kao. Nake Mathiia akîthuurwa na agîcoka agîtaranîrua na atûmwa arîa engî îkûmi na ûmwe.

Josh 18:10

Joshua nîwaûririe ûtaari kûrî Ngai-Mûnene nîûndû wao. Nîwacokire akîgaîra mîvîrîga îrîa yatigarîte îtarî mîgaîre vûrûri wao, wa mûvîrîga gîcunjî Kîamguo.