Mathaayo 9:8 - ÎVUKU RÎA ÛVORO MWARO

⁸ Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Mathaayo 9:8 Referencias Cruzadas

Mathaayo 12:23

Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”

Mathaayo 15:31

Nakîo kîrîndî kîu nîkîamakire rîrîa kîonire andû arîa mataaragia makîaria, cionje ciavonua, ithua ikîvota kûthiî, na atumumu makîona. Nao andû onthe nîmaakumirie Ngai wa Isiraeli.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 9:7

Nake mûndû ûcio nîwaûkîrire na akîînûka.

Maariko 2:12

Nake mûndû ûcio nîwaûkîrire, agîoca kîvarî gîake na akiuma narua aroretue nî andû onthe. Nao andû onthe nîmaamakire na magîkumia Ngai makiugaga atîrî, “Kaî rûrû tûtirî twaruona-î!”

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Luka 13:13

Nake Jesû nîwamwigîrîre njara na wa rîmwe mûndûmûka ûcio akînamûka na agîkumia Ngai.

Luka 17:15

Rîrîa mûndû ûmwe gatagatîrî kao oonire atî nîwavonua, nîwacokire vuva agîkumagia Ngai na mûgambo mûnene.

Luka 17:18

Anga gûtirî mûndû wîngî wacoka vuva gûcokeria Ngai ngatho tiga mûndû ûyû ûtarî wa gûkû?”

Luka 18:43

Na wa rîmwe mûtumumu ûcio nîwavotire kwona na akiuma Jesû vuva agîkumagia Ngai. Na rîrîa andû onthe moonire ûguo, nîmaakumirie Ngai.

Luka 2:20

Arîthi nîmaacokire kûrî ng'ondu ciao makîgoocaga na magîkumagia Ngai nîûndû wa maûndû monthe marîa meeguîte na makoona. Maûndû mau monthe maatuîkîkire wata ûrîa arîthi meerîtwe nî mûraika.

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Johana 15:8

Mwagîa na maciaro meengî, mûkonekanaga mûrî arutwa akwa, na ûndû ûyû ûkaagoocithagia Vava.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

2Akor 9:13

Wîra wenyu wa ûtungata nîwonanîtie atî nîmwathîkîrîte ûvoro mwaro ûrîa mumbûraga wa Kristû na andû eengî magaakumia Ngai nîûndû wa ûtaana wenyu na nîûndû nîmûgaanaga indo cienyu nao wa vamwe na andû arîa engî.

Agal 1:24

Kwoguo nîmaakumirie Ngai nîûndû wakwa.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.