Mathaayo 9:5 - ÎVUKU RÎA ÛVORO MWARO

⁵ Nî ûndû ûrîkû mûvûthû, nî kuga ‘Nîwoverwa mevia maku,’ kana nîkuga ‘Ûkîra wîthiîre?’

Mathaayo 9:5 Referencias Cruzadas

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Mathaayo 9:6

Nie nîngûmwonia atî Mûrû wa Mûndû arî na wathani gûkû nthî wa kwovera andû mevia.” Jesû nîwacokire akîîra mûndû ûcio wonjete ciîga ciake cia mwîrî atîrî, “Ûkîra woce ûrîrî waku na ûthiî mûciî!”

Maariko 2:5

Nake Jesû ona ûrîa maarî na wîtîkio mûnene, nîwerire mûndû ûcio wakuîte ciîga ciake cia mwîrî atîrî, “Mûvîcîwa, nîwoverwa mevia maku.”

Luka 5:20

Rîrîa Jesû oonire atî andû acio maarî na wîtîkio mûnene nîwerire mûndû ûcio atîrî, “Mûrata wakwa, nîwoverwa mevia maku.”

Luka 7:48

Nake Jesû nîwacokire akîîra mûndûmûka ûcio atîrî, “We nîwoverwa mevia maku.”

Ciîko 3:16

Vinya wa rîîtwa rîa Jesû nîguo watûma mûndû ûyû ûraarî kîonje agîe na vinya. Ûguo mue mûrona na mûramenya wekîka nîûndû wa gwîtîkia rîîtwa rîa Jesû.

Ciîko 9:34

Nake Petero nîwamwîrire atîrî, “Aenea, Jesû Kristû nîagûkûvonia wa rîu. Ûkîra na ware ûrîrî waku.” Na wa rîmwe Aenea nîwaûkîrire.