Mathaayo 9:4 - ÎVUKU RÎA ÛVORO MWARO

⁴ Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Mathaayo 9:4 Referencias Cruzadas

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.

Maariko 12:15

Nwatî Jesû nîwamenyire atî maarî na ûvinga na akîmaûria atîrî, “Mûrangeria nîkî? Tanengerani mbeca nîmîrorie.”

Maariko 2:8

Nake Jesû nîwamenyire wa rîmwe ûrîa meciragia, na kwoguo akîmaûria atîrî, “Nîndûî kîratûma mwîcirie maûndû ta mama?

Luka 11:17

Nwatî Jesû nîwamenyire ûrîa meeciragia, na kwoguo nîwamerire atîrî, “Ûthamaki wa wonthe ûngîîgaûkania, ndûngîîrûngamia kavinda karaca. Wana nginya mûciî ûngîîgaûkania, nîkwa ûvaraganaga.

Luka 5:22

Nake Jesû nîwamenyire meciria mao na akîmaûria atîrî,

Luka 6:8

Nwatî Jesû nîwamenyaga meciria mao, na kwoguo nîwerire mûndû ûcio wonjete njara yake atîrî, “Ûka na ûrûngame ava.” Mûndû ûcio nîwarûngamire na akiumîra vau mbere.

Luka 7:40

Nake Jesû nîwerire Simoni atîrî, “Simoni! Nie nîrî na ûndû nîrenda gûkwîra.” Nake Simoni nîwacokerie Jesû atîrî, “Nî ûndû ûrîkû? Tambûria Mwarimû!”

Johana 16:19

Jesû nîwamenyaga atî arutwa nîmeendaga kûmûria ûvoro wîgiî ûndû ûcio. Kwoguo nîwamerire atîrî, “Angwa nîkwa mûraûrania ûrîa ngwendaga kuga rîrîa namwîra atî, ‘Vandû va kavinda kanini mûtigûcoka kûmona, nwatî vuva wa kavinda kanini mûkaamona?’

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 6:61

Wana atarî mwîre nî mûndû Jesû nîwaicî atî arûmîrîri ake nîmaanugunaga. Kwoguo nîwamaûririe atîrî, “Maûndû mama nîmo maratûma mwende gûtiganîria wîtîkio wenyu?

Johana 6:64

Nwatî kûrî na amwe gatagatîrî kenyu mataretîkia.” (Na kuuma mûthenya ûrîa Jesû aambîrîrie kûthomithania, nîwaicî andû arîa matetîkîtie na akamenya mûndû ûrîa ûkaamûcukanîrîra.)

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.