Mathaayo 9:12 - ÎVUKU RÎA ÛVORO MWARO

¹² Nwatî rîrîa Jesû eegwire ûrîa Afarisai maaûragia nîwamacokerie atîrî, “Andû arîa arwaru nîo mavataraga ndagîtarî, nwatî tî arîa matarî arwaru.

Mathaayo 9:12 Referencias Cruzadas

Thaburi 147:3

Ke nîavonagia arîa akuû ngoro, na akamova ironda ciao.

Thaburi 41:4

Nanie nînaugire atîrî, “Nîngwîvîrîtie we Ngai-Mûnene; mbîguîra ntha na ûmvonie.”

Thaburi 6:2

Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 30:17

“Nîngamûcokeria vinya wenyu, na nîmûvonie ironda cienyu, wana ethîrwa mamwîtaga, ‘Mûru.’ ‘Îtûûra rîa Zayuni rîtarî mûndû wa kûrîmenyerera!’ Nie Ngai-Mûnene nînie nauga ûguo.”

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Mathaayo 18:11

Nîûndû Mûrû wa Mûndû aaûkire kûvonokia arîa maûrîte.]

Maariko 2:17

Rîrîa Jesû eegwire ûrîa maaûragia, nîwamerire atîrî, “Andû arîa arwaru nîo mavataraga ndagîtarî, nwatî tî arîa matarî arwaru. Nie ndiûkîte gwîta andû arîa athingu, nwatî mbûkîte gwîta evia.”

Luka 5:31

Nake Jesû nîwamacokerie atîrî, “Andû arîa methagîrwa marî na vata wa ndagîtarî nî arîa arwaru, nwatî tî arîa matarî arwaru.

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Luka 9:11

Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Akol 4:14

Nîmwakethua nî Luka, ndagîtarî wetû ûrîa twendete mûno. Wana Dema nîwamûkethia.