Mathaayo 8:16 - ÎVUKU RÎA ÛVORO MWARO

¹⁶ Na kîvwaî gîakinya, andû nîmaavirîre Jesû andû eengî arîa maarî na ndaimono. Nake Jesû nîwarutûrûrire ngoma na njîra ya kiugo gîake, na akîvonia andû onthe arîa maarî arwaru.

Mathaayo 8:16 Referencias Cruzadas

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Mathaayo 12:22

Na vuva wa ûguo, andû amwe nîmaavirîre Jesû mûndû warî mûtumumu na ûtangîavotire kwaria nîûndû aarî na ndaimono. Nake Jesû nîwavonirie mûndû ûcio, na akîvota kwaria na kwona.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 8:15

Nake Jesû nîwanyitire mûndûmûka ûcio njara. Mûndûmûka ûcio nîwavonire, agîûkîra na akîambîrîria gûtungatîra Jesû.

Mathaayo 8:33

Nao andû arîa maarîthagia ngûrwe icio nîmaûrire na makîthiî îtûûrarî. Nao nîmaavecanire ûvoro wonthe wana ûrîa gwekîkîte kûrî andû acio maarî na ndaimono.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Maariko 2:3

andû ana nîmaakinyire makuuanîrîte mûndû warî mûkuû ciîga cia mwîrî.

Maariko 5:8

(Mûndû ûcio aaugire ûguo nîûndû Jesû nîwaugaga atîrî, “Ngoma îno uma kûrî mûndû ûyû!”)

Maariko 9:25

Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Luka 13:12

Rîrîa Jesû oonire mûndûmûka ûcio nîwamwîtire na akîmwîra atîrî, “We mûndûmûka ûyû, nîwavonua!”

Luka 4:40

Na rîrîa riûa rîathûaga, andû onthe arîa maarî na andû arwaru mîrimû mwanya mwanya, nîmaamavirire kûrî Jesû. Nake Jesû nîwaigîrîre andû acio onthe njara na akîmavonia.

Luka 4:41

Nacio ngoma nîciaumire kûrî andû eengî arîa maarî vo ikîanagîrîra atîrî, “We nîwe Mûriû wa Ngai!” Nake Jesû nîwakaanirie ngoma icio na ndaciîtîkîria imwanîrîre wana ethîrwa cio nî ciamwîcî atî ke nîke Mesaya.

Ciîko 5:15

Andû nîmaakuuaga arwaru ao na makamaumîria njîrarî mamamîrîte morîrî na ivarî. Maamaigaga kuo marî na mwîvoko atî arwaru amwe nîmakûvutua nî kîruru Kîam Petero vîndî îrîa aavîtûkaga kuo.