Mathaayo 7:7 - ÎVUKU RÎA ÛVORO MWARO

⁷ “Voyani, na nîmûkûvewa; cariani, na nîmûkwona; ringaringani mûrango, na nîmûkûvingûrîrwa.

Mathaayo 7:7 Referencias Cruzadas

Kîam 26:32

Mûthenya wa ûcio ndungata cia Isaka nîciaûkire na ikîmwîra ûvoro wîgiî kîthima kîrîa meenjîte. Nîmaamwîrire atîrî, “Nîtwona manjî.”

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Thaburi 10:17

We Ngai-Mûnene thikîrîria mavoya ma andû arîa avooreri, maûmîrîrie na ûmathikîrîrie,

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 119:12

Ûrokumua, we Ngai-Mûnene; nthomithia mawatho maku.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Thaburi 34:4

Nînavoire Ngai-Mûnene, na akîmbîgua; nîwanthiririe guoya yonthe îrîa naarî nayo.

Thaburi 37:4

Cariani gîkeno kûrî Ngai-Mûnene, nake akaamûvecaga kîrîa mwîriragîria.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 69:32

Rîrîa andû arîa avinyîrîrie makoona ûguo nîmagaakena, arîa magoocaga Ngai nîmakaaûmîrîrua.

Thaburi 70:4

Arîa onthe magûcaragia marokena na macanjamûke nîûndû waku! Arîa onthe mendete ûvonokio waku marotûûra maugaga atîrî, “Ngai nî mûnene!”

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Nthi 8:17

Nîmendete arîa mamendete, na arîa manjaragia na kinyi nîmamonaga.

Rwîmbo rwa Nyîmbo 3:2

Nînaûkîrire ngîthiûrûrûka îtûûrarî, nathiûrûrûkire varavararî na tûcangirirî, ngîcaragia mwendwa wakwa. Naamûcaririe nwatî ndiamwona.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Mathaayo 18:19

Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû.

Mathaayo 21:22

Ethîrwa mue nwa mwîtîkie, mûkaavecagwa kîndû kîonthe kîrîa mûgetagia rîrîa mûravoya.”

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Mathaayo 7:8

Nîûndû mûndû wa wonthe ûvoyaga nîavecagwa, na ûrîa ûcaragia nîonaga; na ûrîa ûringaringaga mûrango nîavingûragîrwa.

Maariko 11:24

Kwoguo nîramwîra atî, ûndû wa wonthe mûngîtia rîrîa mûkûvoya, îtîkagiani atî nîmûrîkîtie kûvingîrua, namue mûkaavecagwa kîndû wa kîonthe kîrîa mûkaavoyaga.

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Johana 15:16

Mue tî mue mwanthuurire, nînie namûthuurire na ngîmûva wîra wa kûthiî kûgîa na maciaro meengî marîa magwîkara kavinda karaca. Kwoguo Vava akaamûvecaga kîndû wa kîonthe kîrîa mûkaamwîtagia na rîîtwa rîakwa.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 3:11

Gûtirî mûndû mûgî kana mûndû ûgoocaga Ngai.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.

1Joh 3:22

Ngai nîatûvecaga kîndû wa kîonthe kîrîa twamwîtia nîûndû nîtûrûmagîrîra maathani make na nîtwîkaga maûndû marîa mamûkenagia.