Mathaayo 7:22 - ÎVUKU RÎA ÛVORO MWARO

²² Vîndî îrîa mûthenya wa îtuîro ûgaakinya, andû eengî nîmakaambîra atîrî, ‘Mwathani, Mwathani! Tue twavunjagia ndûmîrîri ya Ngai na rîîtwa rîaku na tûkarutûrûra Ndaimono na tûkaringa ciama na rîîtwa rîaku.’

Mathaayo 7:22 Referencias Cruzadas

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:17

Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Ndari 24:4

Ûyû nî ûrathi wa mûndû wîgucaga mûgambo wa Ngai, mûndû wonaga cioneki cia Ngai Mwene Vinya, mûndû wîgwîthagia nthî mbere ya Ngai na akona cioneki.

Ndari 31:8

vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 24:36

“Gûtirî mûndû wîcî rîrîa mûthenya ûcio na îthaa rîu rîgaakinya. Araika arîa marî îgûrû wana nginya mûriû matiîcî. Vava tu nîke wîcî.

Mathaayo 25:11

“Kavinda kanini kavîtûka, erîtu acio engî wanao nîmaakinyire, na makiuga atîrî, ‘Mwathani, Mwathani tûvingûrîre mûrango.’

Mathaayo 7:21

“Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Luka 10:12

Nie nîramwîra na ma atî, mûthenya wa îtuîro Ngai nîakeeguîra andû a îtûûra rîa Sodomu ntha nyîngî gûkîra ûrîa akeeguîra andû a îtûûra rîu!

Johana 11:51

Kaiafa akiuga ûguo tîke weîrîte. Nwatî arî ta Mûthînjîri-Ngai ûrîa mûnene mwakarî ûcio, nîwarathire atî Jesû aarî akuîre rûrîrî rwa Ayahudi,

1Ath 5:4

Nwatî mue, ariû na aarî a îthe wetû mûtirî ndumarî na mûtiagîrîrwe nî kwîthîrîrua nî mûthenya ûcio ta ûrîa mwîi aûkaga gûtarî mûndû ûkûmwîrîgîrîra.

2Ath 1:10

Ûguo gûgekîka mûthenya ûrîa Mwathani agaûka kwamûkîra riiri kuuma kûrî etîkia onthe. Mue mûkethîrwa mûrî gatagatîrî kao, nîûndû nîmwîtîkîtie ndûmîrîri îrîa twamwîrire.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.