Mathaayo 7:12 - ÎVUKU RÎA ÛVORO MWARO

¹² “Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Mathaayo 7:12 Referencias Cruzadas

Ezek 18:21

“Nwatî mûndû mwaganu angîtiga maûndû monthe macûku marîa ekîte na acoke kûrûmagîrîra mawatho makwa na ekage maûndû marîa magîrîrîte na ma ma, ndagaakua. Mûndû ûcio nî agaatûûra mwoyo.

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Mathaayo 5:17

“Mûtigecirie atî mbûkîte nthî kûthiria Watho wa Musa na maûndû marîa mathomithanîtue nî arathi. Nie ndiûkîte kûmathiria, nwatî mbûkîte kûmavingia.

Luka 6:31

Îkaga andû arîa engî wata ûrîa ûngîenda o magwîke.”

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.