Mathaayo 7:11 - ÎVUKU RÎA ÛVORO MWARO

¹¹ Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Mathaayo 7:11 Referencias Cruzadas

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

2Sam 7:19

Nwatî wonete kau karî kaûndû kanini we Mwathani Ngai-Mûnene. Nîûthondekete ciîranîro îgûrû rîgiî njiarwa ciakwa mîaka mîîngî îgaaûka. Na nîwîtîkîrîte mone ûndû ûyû, we Mwathani Ngai-Mûnene!

Ayubu 15:16

ndangîvota kwîvoka mûndû wa gûkû nthî, mûndû ûrîa ûnyunyaga waganu ta manjî.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 85:12

Nîma Ngai-Mûnene nîagaatûretera irathimo, na vûrûri wetû nîûkaagîa na maketha meengî.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Isaia 63:7

Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 33:14

Ngai-Mûnene arauga atîrî, “Kavinda nîgagûkinya, rîrîa ngavingia kîîranîro gîakwa na andû a Isiraeli na a Juda.

Hosea 14:2

Nama cokererani Ngai-Mûnene; mûkîveraga mevia menyu mûkiugaga atîrî, “Tûovere mevia metû, na wamûkîre kîrîa Kîamro tûrî nakîo, na nîtûgûkûva îgongoona rîa gûgûkumia.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Mathaayo 23:9

Namue mûtiagîrîrwe nî gwîta mûndû wana ûrîkû ‘Vava’ gûkû nthî, nîûndû mûrî na îthe ûmwe tu ûrîa ûrî îgûrû.

Mathaayo 7:10

Kana nî ûrîkû ûngîîtua nthamaki nî mwana wake, nake amûve njoka?

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Aroma 3:9

Rîu nîtûtua atîa? Nîkwa tue Ayahudi tûrî aro kûrî andû a ndûrîrî? Naarî! Nie nîndîkîtie kwonania atî andû onthe, Ayahudi na Andû a Ndûrîrî methagîrwa marî rungu rwa watho wa mevia.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Agal 3:22

Nwatî mandîko matheru maugaga atî andû onthe a nthî marî rungu rwa vinya wa mevia. Kwoguo kîveo kîrîa kîranîrîtwe nî ûndû wa gwîtîkia Jesû Kristû nîkîvecanagwa kûrî andû arîa metîkîtie.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.