Mathaayo 6:9 - ÎVUKU RÎA ÛVORO MWARO

⁹ Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Mathaayo 6:9 Referencias Cruzadas

2Sam 7:26

Rîîtwa rîaku nî rîtûûra rînenevetue, na andû matûûre maugaga atî, ‘Ngai-Mûnene mwene vinya wonthe nîke Ngai wa Isiraeli.’ Nî ûkaamenyerera ûthamaki wakwa tene na tene.

1Atha 8:43

nakûthaitha ûkaamûthikîrîria ûrî îgûrû kûrîa ûtûûraga na ûkaamûvingîria ûrîa agaakûûria, nîguo andû onthe a gûkû nthî makûmenye na makwathîkîre ta ûrîa andû aku a Isiraeli mekaga. Nîmagaacoka mamenye atî nyomba îno ndumîte îtanîtue na rîîtwa rîaku.

1Maû 17:24

Ngumo yaku îkeethîrwa îrî nene na andû nîmagaatûûra tene na tene makiugaga, ‘Ngai-Mûnene mwene vinya wonthe, nîke Ngai wa Isiraeli.’ Nayo nyomba ya ndungata yaku Daudi nîîtûûra îîvandîte tene na tene.

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 111:9

Ngai-Mûnene nîwakûûrire andû ake, na akîrûtha nao kîrîkanîro gîa gûtûûra tene na tene. Ke nî mûtheru na nîwa gwîtigîrwa!

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 72:18

Ngai-Mûnene, Ngai wa Isiraeli arokumua! Nîke wenga tu wîkaga maûndû ma magegania.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Ezek 36:23

Rîîtwa rîakwa rîtheru rîrîa mwacambithirie gatagatîrî ka andû a ndûrîrî nîngaarîcokeria ûtheru warîo. Nacio ndûrîrî nîikaamenya atî, nie nînie Ngai-Mûnene. Nie Mwathani Ngai-Mûnene nînie mbugîte ûguo. Nîngaamûvûthîra monanie ûtheru wakwa mbere yao.

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 10:29

Na kinthî tûconi twîrî tûtiendagua gatuururu kamwe? Nwatî gûtirî gaconi wana kamwe gatuo kangîkua Îthe wenyu atakwenda.

Mathaayo 23:9

Namue mûtiagîrîrwe nî gwîta mûndû wana ûrîkû ‘Vava’ gûkû nthî, nîûndû mûrî na îthe ûmwe tu ûrîa ûrî îgûrû.

Mathaayo 26:29

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Mathaayo 26:42

Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.”

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Mathaayo 6:14

“Ethîrwa mue nîmwovagîra andû arîa mamûvîtagîria, Îthe wenyu ûrîa ûrî îgûrû wa nake akaamwovagîra.

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Luka 15:18

Nie nîmbûkîra, nthiî kûrî vava na nîmwîre atîrî: Vava, nie nîmvîtîrîtie Ngai na ngakûvîtîria.

Luka 15:21

Nake mwanake ûcio nîwerire îthe atîrî, ‘Vava, nie nîmvîtîrîtie Ngai na ngakûvîtîria. Nie ndirî mwagîrîru wa gwîtwa mûvîcîguo.’

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Aroma 8:15

Roho ûrîa Ngai amûveete tî wa gûtûma mûtuîke ngombo na tî wa gûtûma mwîtigîre. Vandû va ûguo Roho ûcio amûtucaga ciana cia Ngai. Roho nîke ûtûvecaga vinya wa gûkaîra Ngai tûkiugaga, “Aba! Vava.”

Agal 1:1

Kuuma kûrî nie Paûlo mûtûmwa wa Jesû Kristû. Nie ndiathuurirwe nduîke mûtûmwa na njîra ya andû na ndiatûmwa nyumîte kûrî andû. Natuîkire mûtûmwa na njîra ya Jesû Kristû wa vamwe na Ngai Îthe, ûrîa wamûriûkirie.

Agal 4:6

Na nîguo Ngai onanie atî tûrî ciana ciake, nîwatûmire Roho wa Mûriû wake ngororî cietû. Roho ûcio nîke ûtûmaga twîtane Vava.

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”

Kûguû 5:12

Nao nîmaainaga maugîrîrîtie makiugaga atîrî: “Gatûrûme karîa kaaûragirwe nîkagîrîru ga kwamûkîra ûvoti, ûtonga, ûûgî, na vinya na gîtîîo, riiri na ngumo!”