Mathaayo 6:7 - ÎVUKU RÎA ÛVORO MWARO

⁷ “Vîndî îrîa mûkûvoya, tigagani gûtûmîra ciugo nyîngî itarî na vata ta ûrîa andû arîa matetîkîtie mekaga. O meciragia atî ngai ciao nîikûmegua nîûndû mavoya mao nî maraca.

Mathaayo 6:7 Referencias Cruzadas

Mûvunjia 5:7

Wana ethîrwa ûrî na iroto nyîngî na ûrute mawîra meengî ma mana na warie ciugo nyîngî, ûndû ûrîa mwagîrîru nî gûtîîa Ngai.

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Mathaayo 26:42

Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.”

Mathaayo 26:44

Nake Jesû nîwamatigire rîngî, akîthiî na akîvoya riita rîa kathatû akiugaga ciugo wata icio.

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Ciîko 19:34

Nwatî vîndî îrîa o maamenyire atî Alekisanda aarî Mûyahudi, onthe marî vamwe nîmaaugîrîrie ûndû ûmwe kwa îvinda rîa mathaa maîrî makiugaga atîrî: “Aritemi ngai ya mûndûmûka ya andû a Efeso nî nene!”