Mathaayo 6:5 - ÎVUKU RÎA ÛVORO MWARO

⁵ “Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:5 Referencias Cruzadas

Thaburi 5:2

Thikîrîria ngîgûkaîra, mûthamaki wakwa na Ngai wakwa! Nîûndû we, nîwe mvoyaga;

Thaburi 55:17

Nîmûkayagîra na ngamûrîrîra kîraûko, mûthenya na ûtukû, na akegua mûgambo wakwa.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Jeremia 29:12

Nîmûgaacoka mûmbîte, na mûmvoe na nîngamûthikîrîria.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 21:22

Ethîrwa mue nwa mwîtîkie, mûkaavecagwa kîndû kîonthe kîrîa mûgetagia rîrîa mûravoya.”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 23:6

Mendaga gwîkarîra itî cia ageni a gîtîîo marugarî na gwîkarîra itî cia mbere mavoerorî.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:2

“Kwoguo, vîndî îrîa mûravecana indo cienyu nîguo itethie athîni, mûtikendage kwîyonania wata ûrîa mvinga ciîkaga vîndî îrîa irî îvoerorî na thokorî. Mvinga icio ciîkaga ûguo nîguo iganagwe nî andû. Nîramwîra na ma atî, mvinga icio nîirîkîtie kûrîvwa mûcara wacio.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Maariko 12:38

Rîrîa aamathomithagia nîwamerire atîrî, “Îîmenyagîrîreni mûtigatuîke ta arimû a Watho arîa mendete kûthiî mekîrîte nguo ndaca na gûkethua na gîtîîo thokorî,

Luka 11:43

“Kaî mue Afarisai mûrî na thîna-î! Nîûndû mue mwendaga gwîkara itîîrî cia mbere mavoerorî wa vamwe na gûkethua na njîra îrî na gîtîîo rîrîa mûrî thokorî!

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Luka 6:24

“Na kaî mue andû arîa atongu rîu mûrî na thîna-î! Nîûndû mue mûrî anyitu kîrîa kîmwîganaga ûtûûrorî wenyu.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

1Ath 5:17

Voyagani mûtagûtigithîrîria

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”