Mathaayo 6:4 - ÎVUKU RÎA ÛVORO MWARO

⁴ Kwoguo kûvecana kwenyu nî kwîthagîrwe kûrî nthithorî. Nake Îthe wenyu ûrîa wonaga maûndû marîa mekagîrwa nthithorî nî akaamûva kîveo.

Mathaayo 6:4 Referencias Cruzadas

Thaburi 139:12

kûrî we nduma tî ndumanu, na ûtukû ûtherete ta mûthenya; nîûndû kûrî we nduma na ûtheri nî ûndû ûmwe.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Nthi 25:22

nîûndû weka ûguo nîûgaatûma îgîe na gîconoko kînene, na nîta kûmigîrîra makara ma mwaki kîongorî Kîam yo, nake Ngai-Mûnene nîagaakûva kîveo.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Mathaayo 6:18

nîguo andû arîa engî matikamenye atî nîkwa mûrenyerekia. Îthe wenyu ûrîa ûtonekaga nîke tu ûkaamenya. Nake Îthe wenyu ûrîa wonaga maûndû marîa mekagîrwa nthithorî nîakaamûva mûcara wenyu.

Mathaayo 6:3

Nwatî vîndî îrîa mûravecana indo cienyu itethie athîni, mavecageni na njîra îrîa wana arata enyu arîa anene matakûmenya.

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Luka 8:17

“Gûtirî ûndû wana ûmwe mûthithe ûtakoonanua ûtherirî, wana kana mûkunîkîre, ûtakaamenyeka na umîrue ûtherirî.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.