Mathaayo 6:16 - ÎVUKU RÎA ÛVORO MWARO

¹⁶ “Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:16 Referencias Cruzadas

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

2Sam 12:21

Nacio ndungata ciake nîciamwîrire atîrî, “Tue tûtiramenya ûguo ûreka. Nîûndû rîrîa kaana kaarî mwoyo, we nîwakarîrîre na ûkîînyerekia. Nwatî rîrîa karakwire ûraûkîrire na warîa irio!”

1Atha 21:27

Rîrîa Elija aarîkirie kwîra Ahabu ûguo, Ahabu nîwatembûrangire nguo ciake, agîkîra nguo cia macakaya na akînyerekia. Nîwamamaga ekîrîte nguo cia macakaya na akathiîcaga kûndû na kûndû arî na kîeva.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Thaburi 109:24

Maru makwa matirî na vinya nîûndû wa kwînyerekia; ndigîtwe rûûo na mavîndî.

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Thaburi 69:10

Rîrîa nenyivirie na njîra ya kwînyerekia, nîrîo andû maanjambirie.

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 6:2

“Kwoguo, vîndî îrîa mûravecana indo cienyu nîguo itethie athîni, mûtikendage kwîyonania wata ûrîa mvinga ciîkaga vîndî îrîa irî îvoerorî na thokorî. Mvinga icio ciîkaga ûguo nîguo iganagwe nî andû. Nîramwîra na ma atî, mvinga icio nîirîkîtie kûrîvwa mûcara wacio.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Maariko 2:18

Vîndî îmwe rîrîa arutwa a Johana ûrîa Mûvatithania na a Afarisai meenyereketie, andû amwe nîmaathiîre kûrî Jesû na makîmûria atîrî, “Nîndûî gîtûmaga arutwa a Johana Mûvatithania na a Afarisai menyerekie, nwatî aku matiînyerekagia?”

Luka 18:12

Nîînyerekagia maita maîrî wa kiumia na vingo cionthe ngaruta gîcunjî gîa îkûmi gîa kîrîa kîonthe nathûkûma.’

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

2Akor 11:27

Nînarutire wîra mûrito wa mînoga na maita meengî ngatura toro. Nînavûtaga na nganyonda, nînethagîrwa ndarî na irio cia kwîgana, nyomba kana nguo.

2Akor 6:5

Tue twanarivwa, kwovwa njeera, twanaûkîrîrwa nî kîrîndî, twanarutithua wîra wîna mînoga na nîtwekaraga ûtukû tûtakûmama na tûtarî na irio cia kûrîa.