Mathaayo 5:30 - ÎVUKU RÎA ÛVORO MWARO

³⁰ Nayo njara yaku ya ûrîo îngîtûma wîvie, mîtinie na ûmîte! Nî kava wîkare ûtarî na kîîga kîmwe Kîam mwîrî waku, gûkîra mwîrî waku wonthe wikue îcuarî.

Mathaayo 5:30 Referencias Cruzadas

Mathaayo 11:6

Kûrathimwa nî andû arîa matagîcaga na nganja nîûndû wakwa!”

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 18:8

Ethîrwa njara yaku kana kûgûrû gwaku nwa gûtûme wîvie, gûtinie na ûgûte, nî kava ûtonye mwoyorî wa tene na tene wî kîonje kana wî kîthua gûkîra kwîthîrwa na njara ciîrî kana magûrû maîrî na wikue mwakirî wa tene na tene.

Mathaayo 22:13

Nake Mûthamaki nîwacokire akîra ndungata icio ciake atîrî, ‘Mûthaikeni njara na magûrû na mûmwikie na nja ndumarî. Kûu nîkuo andû makaarîra na marîe magego.’ ”

Mathaayo 25:20

Nayo ndungata îrîa yanengeretwe mbeca ngiri ithano nîyathiîre na îkiuga atîrî, ‘Mwathi wakwa, wanengere mbeca ngiri ithano, na rîu nîmonjorithîtie mbeca ciîngî ngiri ithano.’

Mathaayo 26:31

Nake Jesû nîwamerire atîrî, “Ûtukû ûyû wa ûmûnthî muonthe nîmûkûûra mûndiganîrie. Nîûndû Mandîko maugîte atîrî, ‘Ngai nîakaaûraga mûrîthi; nacio ng'ondu ivurunjûke.’

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Mathaayo 5:29

Kwoguo, riitho rîaku rîa ûrîo rîngîtûma wîvie, rîkûûre na ûrîte! Nî kava wîkare ûtarî na kîîga kîmwe Kîam mwîrî, gûkîra mwîrî waku wonthe wikue îcuarî.

Maariko 9:43

Na angîthîrwa njara yaku nwa îtûme wîvie, mîtinie. Nîkava ûtonye mwoyorî wa tene na tene ûtarî na njara îmwe gûkîra wîthîrwe na njara cioîrî na wikue îcuarî [

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Luka 17:2

Wana nî kava mûndû ûcio overerwe îthiga rîa kîthîi ngingorî yake akînaikua îriarî, gûkîra kûmûrekereria avîtithie kamwe ga twana tûtû tûnini.

Aroma 9:33

Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”

1Akor 8:13

Kwoguo ethîrwa irio irîa ndîcaga nîitûmaga ariû na aarî a îthe wetû mevie, nie ndikaarîa nyama rîngî nîguo ndigatûme wana ûmwe wa ciao evie.

Agal 5:11

Ariû na aarî a îthe wetû, ethîrwa nwa mvunjagia atî nî waro kûrua, nîkî kîratûma nyarirwe? Ethîrwa ûvoro ûcio nî wa ma, maûndû marîa mvunjagia megiî mûtharava wa Kristû matingîrete thîna.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.